ఆంధ్రప్రదేశ్ రాజకీయాలు

అన్నా హజారే x అవినీతి నాయకులు

2011-08-16T03:57:00.000-07:00

అవినీతి పై అలుపెరగని పోరాటం చేస్తున్న అన్నా హజారే ను జైలులో పెట్టి భారత దేశంలో రాజకీయ పార్టీలు, రాజకీయ నాయకులు ఎంత నీచమైన స్థాయికి దిగాజారిపోయారో ప్రజలందరికీ నిస్సిగ్గుగా వెల్లడించిన కేంద్ర ప్రభుత్వానికి ధన్యవాదాలు తెలుపుతున్నా.

అక్రమ సంపాదన, అధికార దాహంతో ప్రజా ప్రతినిధులుగా వెలిగిపోతున్న ప్రస్తుత రాజకీయనాయకులు అవినీతి, అక్రమ సంపాదనలను అడ్డుకోడానికి సహకరించే ఏ బిల్లు నైనా ఆమోదింప చేస్తారని ప్రజలు భావించడం అత్యాసే. ప్రధాని, పార్లమెంట్, శాసన సభ్యులు మొదలుకొని గ్రామాల్లో సర్పంచ్, వార్డు మెంబరు వరకు ప్రజా ధనాన్ని లూటీ చేయడంలో వున్నా ఆసక్తి మరి ఎందులోనూ లేదు. ఈజిప్టు లాంటి దేశానికి ముబారక్ లాంటి వాళ్ళు ఒక్కరో, ఇద్దరో ఉండవచ్చు కానీ భారత దేశంలో కొన్ని వందలమంది ముబారక్ లు చెలరేగి పోతున్నారు.

ప్రస్తుత పరిస్తుతులలో అన్నా చెప్పినట్టు మరో స్వాతంత్ర పోరాటం నిష్కలమైన పరిపాలన కోసం చెయ్యక తప్పదు. ఈ రోజు అన్నా హజారే అరెస్ట్ ప్రజాస్వామ్య వాదులను ఒకవైపు కంట తడి పెట్టిస్తూ మరోవైపు గుండెలు మండిస్తుంది. ప్రజాగ్రహానికి నిలబడిన రాజ్యాలు చరిత్రలో లేవు...ఇదే సరైన సమయం సమస్త ప్రజలు పిడికిలి బిగించి అక్రమార్కులను రాజకీయాలనుండి తరమడానికి, అది తొందరలోనే సిద్దిస్తుందని ఆశిద్దాం.

తెగించిన తెలిబాన్లు

2011-03-15T04:12:00.000-07:00

హైదరాబాద్ ట్యాంక్ బండ్ మీద తెలుగు తేజాల విగ్రహాల కూల్చివేత తో తెలంగాణా తెలిబాన్లు ఆఫ్ఘన్ తాలిబాన్ లను మించిపోయారని రుజువు చేసారు. ఆ తాలిబాన్లు బమియాన్ బుద్ధ విగ్రహాలను నేలమట్టం చేసినప్పటికంటే ఈ తెలిబాన్లు హుస్సేన్ సాగర్ లో బుద్ధ విగ్రహం సాక్షి గా చేసిన ధ్వంస రచన సమస్త తెలుగు జాతిని నివ్వెర పరచింది, ఎంతో ఆవేదనకు గురి చేసింది.

తెలంగాణా వుద్యమం తో కూల్చివేయబడ్డ కవులు, కళాకారులు, జాతి నిర్మాణ కారులకు ఏమి సంబంధమో రాజకీయ పార్టీ ముసుగు వేసుకొన్న తెలిబాన్లు చెప్పాలి. తెలంగాణా సాధన లో హింసా, అరాచకం ఒక భాగమా? ఇప్పటికే ఒక కుటుంబం రౌడీ రాజ్యం తెలంగాణలో రాజ్యం ఏలుతున్న లక్షణాలు ప్రస్పుటంగా కనిపిస్తున్నాయి. ఈ విధ్వంసం వెనుక ఎవరి హస్తం వుందో అందరికి తెలిసిందే. శాసన సభ సాక్షిగా జయ ప్రకాష్ నారాయణ మీద దాడి చేయించిన తే రా సా (తెలిబాన్ పార్టీ) ఇంత హీనస్థితికి దిగజారుతుందని ఎవ్వరూ వూహించలేదు. తెలిబాన్లు సాగించిన విధ్వంసం వారికేమి ప్రయోజనం సాధించిపెట్టిందో తెలీదు కానీ తెలంగాణా వస్తే హైదరాబాద్ లో తెలిబాన్ల ఆగడాలకు అంతు వుండదని అక్కడ వున్న ఇతర ప్రాంతాల వారి ధన మాన ప్రాణాలకు రక్షణ లేదని నిర్ద్వందం గా నిరూపణ ఐంది.

అసలు ఈ విధమైన అసహనానికి ఈ తెలిబాన్లు ఎందుకు గురిఅవుతున్నారో సులభంగానే అర్ధం చేసుకోవచ్చు. తెలంగాణా వెనుకుబాటుతనం, ప్రభుత్వ కేటాయింపులలో అన్యాయం కారణంగా ప్రత్యేక తెలంగాణా వాదాన్ని ముందుకు తీసుకుపోతున్న వారికి శ్రీ కృష్ణా కమిటీ రిపోర్ట్ రూపం లో గట్టి ఎదురుదెబ్బే తగిలింది. అన్ని రంగాలను కూలంకుషం గా అధ్యయనం చేసిన కమెటీ తెలంగాణా వాదుల ఆరోపణ లలో పస లేదని తెలంగాణా అన్ని రంగాలలో ముందంజలో వుందని తేల్చి చెప్పింది. నిజంగా వెనుకబడిన ప్రాంతం రాయలసీమ అని ఆధారాలతో సహా చూపింది. పరిశ్రమలు కూడా తెలంగాణాలోనే ఎక్కువ ఏర్పాటు అయ్యాయని రిపోర్ట్ తెలిపింది (కొద్ది గా ఆంధ్రా ప్రాంతంలో ఎక్కువ వున్నట్టు కనిపించినా వాటిలో చాలా వరకు రైస్ మిల్లులే అని రిపోర్ట్ లో పేర్కొనడం గమనించాలి) గృహ, వ్యవసాయ తలసరి విద్యుత్ వినియోగం కూడా తక్కిన రెండు ప్రాంతాల వారికన్నా తెలంగాణాలోనే ఎక్కువ అని కమీటి ప్రకటించింది. శ్రీ కృష్ణ రిపోర్ట్ రుచించని తెలిబాన్లు అదంతా అబద్ధాలపుట్ట అని ఆరోపించడం మినహా వాటిని అబద్ధాలు గా నిరూపించే ఆధారాలు చూపడం గాని, లేదా అవాస్తవాలను ఖండిస్తూ వారి రిపోర్ట్ ని విడుదల చేయడం గాని చేయలేకపోయారు. శ్రీ కృష్ణా కమిటీ క్రోడీకరించిన వాస్తవాల ఆధారంగా విస్పష్టం గా సమైఖ్య ఆంధ్రా కే మొగ్గు చూపడం తో దానిని జీర్ణించుకోలేని ఈ తెలిబాన్లు ప్రజాస్వామ్య బద్ధం గా వుధ్యమాన్ని కొనసాగించలేమనే అందోళనతో ప్రజా ప్రతినిదులపైన పైన భౌతిక దాడులు, విధ్వంసాలకు దిగజారారు.

విగ్రహాల విధ్వంసం తరువాత ఈ తెలిబాన్లు స్పందన కూడా వారి స్థాయి కి తగ్గట్టు గానే వుంది. వాళ్ళు చేసిన విమర్శ ‘ట్యాంక్ బండ్ మీద తెలంగాణా కవులుకు, వ్యక్తులకు’ స్థానం లేదా? అని. అసలు కవులు, కళాకారులు, సంఘసేవకులు, గొప్పనాయకులకు ప్రాంతాలతో ఏమి సంభంధం? ఒకవేళ ఎవరిదైనా విగ్రహం పెట్టాలని అనుకొంటే తెలియచేయడానికి ఇదా మార్గం?. తెలిబాన్ కి ఒక నాయకుడు కెటిఆర్ మాట్లాడుతూ తెలంగాణా ప్రాంతం వాళ్ళ విగ్రహాలు పెట్టకపోతే ట్యాంక్ బండ్ మీద విగ్రహాల కు హామీ ఇవ్వలేమని అనడం ఈ తెలిబాన్లకు ఫైత్యం ఎంత ప్రకోపించిదో తెలుస్తుంది(బహుసా ఈ తెలిబాన్ నాయకులకు విగ్రహాలకోసం ఇప్పటినుండే కర్చిపులు వేసుకొంతున్నట్టున్నారు). మరో విమర్శ 600 మంది విద్యార్ధులు చనిపోగా లేనిది ఈ విగ్రహాలు కూలితే తప్పా? అసలు తలా తోకా లేని విమర్శ ఇది (బోడిగుండు కి మోకాలికి ముడిపెట్టడం అంటే ఇదే), విగ్రహాలే ఎందుకు కూల్చాలి? పోయి పోయి బిర్లా మందిర్ నో లేక చార్మినార్నో కూలిచి వేయవచ్చు కదా? లేదా సొంత కొంపలు కూల్చుకోవచ్చు కదా?. ఎంతో మంది విద్యార్ధులు చనిపోయారని మొసలి కన్నీరు కారుస్తున్న ఈ తెలిబాన్ నాయకులు ఒక్క రాజకీయ నాయకుడు కూడా ఎందుకు చావలేదో సమాధానం చెప్పాలి. మొన్నటికి మొన్న ఒక టీవీ ప్రోగ్రాం లో ఈ తెలిబాన్ స్పోక్స్ పర్సన్ మాట్లాడుతూ తెలంగాణా వుధ్యమం లో 500 మంది విద్యార్ధులు చనిపోయారు, సమైఖ్య ఆంధ్రా వుధ్యమం లో ఒక్క విద్యార్ధి ఎందుకు చనిపోలేదు? దీన్ని బట్టి తెలంగాణా వుధ్యమం బలంగా వుంది కనుక తెలంగాణా ఇచ్చెయ్యాలి అని ఒక సూత్రీ కరణ చేసాడు. అసలు ఏ వుధ్యమం లో ఐనా ఎవరినా ఎందుకు చనిపోవాలి? శవాలే వుద్యమ వుధ్రుతికి ప్రామాణికమా?సమైఖ్య ఆంధ్రా వుధ్యమంలో యువకులు ఎవ్వరూ ప్రాణాలు కోల్పోలేదంటే కారణం అక్కడ బావోద్వేగాలను రెచ్చగొట్టే తెలిబాన్ నాయకులు వంటివారు ఎవ్వరూ లేరు. నేను గతం లో పోస్ట్ చేసిన ఒక ఆర్టికల్ లో నే స్పష్టం చేశా “చిదంబరం తెలంగాణా ప్రకటన తరువాత సీమాంద్ర ప్రాంతం లో గాలి కూడా ఆగింది అందుకే ప్రకటన వెనక్కు వెళ్ళింది” అని. ఒక మంచి నాయకత్వం అంటే ప్రజల ప్రాణాలకు విలువ ఇవ్వాలి, రక్షణ ఇవ్వాలి, ప్రజలను సమీకరించాలి, వుధ్యమించాలి అంతే గాని బావోద్వేగాలను రెచ్చగొట్టి వాళ్ళ శవాల వ్యక్తిగత స్వార్ధాలను తీర్చుకోవడం కాదు. ఈ రోజు తెలంగాణలో చనిపోయిన ప్రతి బిడ్డ తల్లి కి ఈ తెలిబాన్ నాయకులు సమాధానం చెప్పాలి.

ఈ తెలిబాన్ నాయకులను మహాభారత యుద్ధంలో ఆశ్వద్ధామ తో పోల్చుకోవచ్చు, యుద్ధం చివరలో తను ప్రయోగమే కానీ అదుపు చేయడం తెలియని అస్త్రం ప్రయోగించి చివరకు దానిని గర్భంలో వున్న వుపపాండవుల (పాండవుల పిల్లలు)మీదకు మళ్ళిస్తాడు చివరకు శ్రీ కృష్ణుడు చేతిలో శాపానికి గురై చండాలమైన జీవితం గడుపుతాడు (అక్కడా ఇక్కడా యాదృచ్చికం గా ‘శ్రీ కృష్ణ’ దే ప్రధాన పాత్ర !).. ఈ తెలిబాన్ నాయకులు తెలంగాణా అస్త్రం వుపయోగించి దానిని అదుపుచేయలేక తెలంగాణా పిల్లలవైపు మళ్ళించడం తో ఈ రోజు తెలగాణా లో తల్లుల లకు గర్భశోకం మిగిలింది. నాయకుడనే వాడు అర్జునుడులా పూర్తి అదుపు వున్నవాడిలా వుండాలి కానీ ఆశ్వద్ధామ(తెలిబాన్ నాయకుల) లా వుండకూడదు.

చివరగా ఒక మాట ఏ లోకంలో వున్నాదో గాని విప్లవ కవి శ్రీ శ్రీ ఆత్మ, ట్యాంక్ బండ్ మీద విగ్రహాల విధ్వంసం చూస్తే ఆయన వ్రాసిన ఒక గేయం “కొంతమంది యువకులు పుట్టుకతో వృద్ధులు...” అనే దానిని బహుసా ఇలా మార్చి వ్రాస్తాడేమో “కొంతమంది యువకులు పుట్టుకతో మూర్ఖులు, తెలిబాన్లకు బానిసలు, సమాజానికి చీడపురుగులు....”

బ్లాగు మిత్రులు అందరికీ నూతన సంవత్సర శుభాకాంక్షలు

2010-12-31T02:37:00.000-08:00

అవినీతి భారతం ..

2010-10-15T11:04:00.000-07:00

పై ఫోటోని చూస్తే మీకు ఏమనిపిస్తుంది ? నాకైతే అవినీతి వ్యవస్థ (బండి) ని లాక్కు వెళ్ళుతున్న భారతదేశం(గుర్రం) కనిపిస్తుంది. మీకు తోచిన సరదా కామెంట్స్ పంపించండి.

అవినీతి లో నీతి...

2010-10-15T11:02:00.000-07:00

ఈమధ్య హాట్ టాపిక్ గా మారిన విషయాలలో జగన్ ముందస్తుగా చెల్లించిన రూ.84 కోట్ల రూపాయల ఆదాయ పన్ను ఒకటి. దీని మీద చంద్రబాబు తో సహా అనేకమంది అంత సొమ్ము కట్టడం మీద ఆశ్చర్యం వ్యక్తం చేస్తూ, విచారణ జరపాలని డిమాండ్ చేసారు. ఐతే టాక్స్ ఎలా కట్టాడు, ఎందుకు కట్టాడు అన్న దాని మీద విచారణ జరగాలా లేక అంత టాక్స్ కట్టడానికి ఎంత డబ్బు దోచుకోన్నాడో, ఎలా దోచుకొన్నాడో అన్న దానిమీద విచారణ జరగాలా? ఒక బ్రహ్మాండమైన ఐడియా తో (సాక్షి కధనం ప్రకారం) దాదాపు ఏమి పెట్టుబడి లేకుండా భారతి సిమెంట్స్ లో 51% శాతం అమ్మి రూ .3000 కోట్లు పైగా వచ్చిన విషయం అందరికి తెలిసిందే, ఇలా అధికారం అడ్డంపెట్టుకొని వనరులను దోచుకొని సంపాదించిన అవినీతి సొమ్ముకి చాలా నీతి గా, పారదర్శకం గా పన్ను కట్టేసినందుకు అభినందించాలో లేక రాజమార్గంలో ఇకపై భారతి సిమెంట్స్ అవినీతిని నీతి గా మార్చినందుకు స్పందించాలో తెలియని పరిస్థితులలో చాలామంది పడిపోయారు. ఇకపై భారతి సిమెంట్స్ గురించి మాట్లాడేందుకు ఏమీ లేదు. కోట్లు అనే మాట ని చలి కాలం వేసుకొనే కోట్లు అనేంత ఈజీ గా తీసుకొనే విధంగా ప్రజల మనస్సులను మార్చేసిన ధన్య జీవి శ్రీ శ్రీ శ్రీ అవినీతి మహారాజ్ రాజశేఖర రెడ్డి కి దణ్ణం పెట్టుకొని ఓ బెల్లం ముక్క నోట్లో వేసుకోవడం తప్ప చేయగలిగింది ఏమీ లేదు.

పోల్ రిసల్ట్ - 'బాబ్రి' తీర్పు సరైనదేనని మీరు భావిస్తున్నారా?

2010-10-15T10:57:00.000-07:00

పోల్ ఐన వోట్లు - 22

అవును - 20 (90 %)

కాదు - 2 (10 %)

ఒక సువర్ణావకాశం ....

2010-10-10T23:02:00.000-07:00

బాబ్రి తీర్పు వచ్చి రెండు వారాలు అవుతుండగా ఇరుపక్షాల మధ్య సయోధ్య దిశగా ప్రయత్నాలు జరుగుతున్నట్టు ఎక్కడా కానరావడం లేదు. ఇప్పుడు వివాద స్థలం కేవలం 1500 గజాలకే పరిమితమైనట్టు (ముందు 2.7 ఎకరాలు అనుకోన్నట్టు కాకుండా) తేటతెల్లం ఐ౦ది.

దురదృష్ట వశాత్తు బాబ్రి మసీదు కూల్చివేత సంఘటన, గోద్రా అల్లరుల తరువాత ముస్లిం సమాజం భారతీయ భావనకు దూరంగా జరిగి వుగ్రవాదులకు వెన్నుదన్ను గా నిలవడం సమస్త భారతీయుల కళ్ళ ముందు కనపడుతున్న సత్యం. కొంత మంది కి ఇది వర్తించక పోవచ్చ, కానీ దేహం భారత దేశంలోనూ ఆత్మ పాకిస్తాన్ లోను వున్న జనాభా ఎంత మంది లేరు ?

ముస్లిం చక్రవర్తుల దురహంకార దాడుల వల్ల అనేక మందిరాలు ధ్వంసం చేయబడి, జుట్టు కి కూడా పన్ను కట్టిన చరిత్ర తెలియంది ఏమి కాదు. బాబ్రి మసీదు గొడవ ఈనాటిది కాదు 18 శతాబ్దం నుండి నలుగుతూ వచ్చి చివరికి ఇప్పటికి ఒక సామరస్యమైన తీర్పు వచ్చింది. మందిరం శిధిలాల మీద మసీదు కట్టినట్టు, దానికి మందిరానికి చెందిన స్తంబాలను వాడినట్టు , వాటిపైన హిందూ దేవతా విగ్రహాలు చెక్కి వున్నట్టు న్యాయ మూర్తులు విస్పష్టంగా పేర్కొనడాన్ని ముస్లిం సమాజం నిశితం గా పరిశీలించి ఒక సానుకూలమైన నిర్ణయం తీసుకోవలసిన అవసరం వుంది .కోర్టులలో తీర్పుల ద్వారా చరిత్ర ను సరిచేయాలని చూడడం సరికాదు కానీ బాబ్రి విషయం శతాబ్దాల తరబడి వివాదాస్పదం గా వున్నందున న్యాయ పరిష్కారం తప్పలేదు.

ఇప్పుడు ముస్లిం సమాజం ముందు ఒక సువర్ణ అవకాసం నిలుచొని వుంది. బాబ్రి వివాదాన్ని కోర్టు సూచించిన విధంగా సామరస్యం గా పరిష్కరించుకోవడం గానీ, లేదా పూర్తిగా వదులుకొని పరిహారం గా వారికీ కావలసిన దానిని పొందటం కానీ చేయగలిగితే హిందూ, ముస్లిం ల మధ్య దూరం తగ్గించడమే కాకుండా వారి భారతీయ ఆత్మను ప్రదర్శించే ఒక గొప్ప అవకాశాన్ని పొందుతారు.

పోల్ రిసల్ట్ - ఈ క్రింది వారిలో అత్యంత అవినీతి పరుడు ఎవరు ?

2010-10-05T08:44:00.000-07:00

మొత్తం పోల్ ఐన వోట్లు -91
రాజశేఖర రెడ్డి -69 (75%)
సి బి నాయుడు -18 (19%)
యన్ టి రామారావు -2 (2%)
యన్ జనార్ధన రెడ్డి - 2 (2%)

ఈ పోలింగ్ లో మహానేత రాజశేఖర రెడ్డి అందరికంటే ఎక్కువ ఓట్లతో (75%) అగ్ర భాగాన నిలిచారు. రెండవ స్థానం పొందిన చంద్రబాబు 19% ఓట్లతో రాజశేఖర రెడ్డి కి దరిదాపు కుడా రాలేక పోయారు.

ఇక పోతే మిగలిన ఇద్దరి గురించి రెండు మాటలు చెప్పాలి. అసలు ఈ పోల్ లోయన్ టి ఆర్, యన్ జె ఆర్ లను చేర్చాలని నేను భావించలేదు, ఐనా ఎందుకు పెట్టానంటే పోల్ లో పాల్గొనే వారు ఎంత వరకు నిజాయితీ గా ఓట్లు వేస్తారు అని కనుక్కోవడానికే. ఈ పోల్ వల్ల చాలా మంది నిజాయితీ గానే (96%) ఓట్లు వేస్తున్నారని తేలింది. వై యస్ ఆర్, సి బి నాయుడు కన్నా యన్ టి ఆర్, యన్ జె ఆర్ లు అవినీతి పరులని పేర్కోవడం అంటే ఇనుము కాదు బంగారనికే తుప్పు పడుతుందని చెప్పడమే. ( నేను ఒక పోల్ పెట్టి " తుప్పు పట్టే లోహం ఏది ?" అంటే "ఇనుము " బదులు "బంగారం " కి ఓట్లు వేసివారు 5% వరకు వుంటారని నా నమ్మకం)

ఎవరు నెగ్గినట్టు ?

2010-10-01T02:47:00.000-07:00

అందరూ వూపిరి బిగబట్టి ఎదురుచూసిన బాబ్రి తీర్పు చివరికి నిన్న బయటకు వచ్చింది. బహుసా ఒక న్యాయ తీర్పు కోసం కని విని ఎరగని రీతిలో దేశం అంతటా రక్షణ చర్యలు తీసుకోవడం ప్రపంచ చరిత్రలో ఇదే మొదటి సారి ఐ వుండవచ్చు.

ఇక తీర్పు విషయానికి వస్తే, ఇది అందరి విజయం అనుకొని గాని లేదా ఎవరి పరాజయం లేదు అని గాని అనుకొని ఏ వర్గం వారు వారికి అన్వఇంచుకొని సంతృప్తి పడినట్టు కనిపించినా, కొన్ని ఆసక్తి కరమైన విషయాలు ఇందులో వున్నాయి .

1. బాబ్రి మసీదు హిందూ ఆలయం పునాదుల మీద నిర్మించ బడిందని ముగ్గురు న్యాయ మూర్తులు ఏకీభావించారు.

2. ఇద్దరు న్యాయమూర్తులు -జుస్టిస్ ధరం వీర్ శర్మ, జుస్టిస్ అగర్వాల్ లు హిందూ మందిరం కూలగొట్టబడిందని పేర్కొంటే, మూడో న్యాయమూర్తి జుస్టిస్ సిబ్గాత్ వుల్లా ఖాన్, మందిరం శిధిలా మైనదని (దానంతట అదే !!) పేర్కొన్నారు.

3. ఆర్కియాలజీ అఫ్ ఇండియా సర్వే ప్రకారం అక్కడ మందిరం వుందని నిర్ధారణ ఐనదని ప్రకటించారు.

కొన్ని సంవత్సరాల క్రితం నేను ఒక ఆర్టికల్ లో (న్యూస్ పేపర్ లో ) ఆర్కియాలజీ అఫ్ ఇండియా మందిరం వుందని నిర్దారించాలేదని చదివాను (ఆ ఆర్టికల్ వివరాలు, తేదీ గుర్తు లేవు). ఇప్పుడు తీర్పులో ఇలా చెప్పడం కొంచెం ఆశ్చర్యం కలిగించింది. ఇకపోతే మొదటి ఇద్దరు న్యాయమూర్తులు కూలగొట్ట బడిందని అంటే, ఖాన్ గారు మందిరం శిధిలమైనదని చెప్పడం లో వాళ్ళ నిర్ణయాలను ప్రభావితం చేసిన అంశాలు ఏమిటో అర్ధం గాలా.

మొత్తానికి తలా ఒక్కరికి ఒక ముక్క పంచి ఒడుపుగా తీర్పు చెప్పినప్పటికీ అసలు అక్కడ మందిరమే లేదని వాదిస్తూ వచ్చిన వారి మీద హిందువుల విజయం గానే భావించాలి. సహజం గానే ముస్లిం వర్గాలకు ఇది రుచించని పరిష్కారమే, అందుకే వారు సుప్రీం తలుపు తడతామంటున్నారు. దానికి కౌంటర్ గా కొన్ని హిందూ సంస్థలు మేమూ సుప్రీం కి వెళ్ళతాం అంటున్నాయి.

ఏది ఏమైనా జరిగింది చాలు, అక్కడ మందిరం అంటూ ఒకటి వుండేదని ముగ్గురూ తీర్మానించారు కనుక హిందూ, ముస్లింలు ఇక వివాదాన్ని సాగదీయకుండా వారు సూచించిన విధంగా సామరస్యం గా ముందుకు పోతే దేశానికి, సమాజానికి మంచిది.

చిరంజీవి, సోనియా రహస్య చర్చలు....

2010-09-28T03:15:00.000-07:00

గత పోస్ట్ 'రసకందాయం లో రాష్ట్ర రాజకీయం' లో చిరంజీవి, కాంగ్రెస్ ల మధ్య వచ్చే ఎన్నికలనాటికి అవగాహన కుదురుతుందని వ్రాసా ఐతే ప్రస్తుతం జరుగుతున్న పరిణామాలు బట్టి చిరంజీవి, కాంగ్రెస్ ల మధ్య దూరం మరింత తరిగి పోయినట్టుకనిపిస్తుంది. చిరంజీవి రహస్యం గా ఢిల్లీ వెళ్లి సోనియా గాంధీ తో సమావేశం ఐనట్టు వార్తలు వచ్చాయి. తొందరలోనే ప్ర రా పా ప్రభుత్వం లో చేరి కొన్ని మంత్రి పదవులను దక్కించుకోవచ్చని వార్తలు వస్తున్నాయి. జగన్ ని ఎదుర్కోవడానికి కాంగ్రెస్ చురుగ్గా పావులు కదుపుతుంది... మరి కొన్ని నెలలలో రాష్ట్ర రాజకీయాలలో అనూహ్య మైన మార్పులు చోటుచేసుకొనే అవకాశం వుంది.

పోల్ రిసల్ట్ - వచ్చే ఎన్నికల నాటికి 'ప్రజా రాజ్యం' కాంగ్రెస్ లో విలీనం అవుతుందా ?

2010-09-28T02:54:00.000-07:00

మొత్తం పోల్ ఐన ఓట్లు - 44
అవును అని సమాధానం ఇచ్చినవారు - 39 (88%)
కాదు అని సమాధానం ఇచ్చినవారు - 5 (11%)
చిరంజీవీ.... నీ మాట ఎవ్వరూ (సానా మంది ) నమ్ముతున్నట్టు లే .. జర జూసుకో మల్లా !!

రసకందాయం లో రాష్ట్ర రాజకీయం

2010-09-25T11:51:00.000-07:00

జగన్ కొత్తపార్టీ పెట్టబోతున్నట్టు దాదాపుగా ఖరారు ఐంది. ప్రస్తుతం ప్రకాశం జిల్లాలో జరుగుతున్న ఓదార్పు యాత్రలో కాంగ్రెస్ అధిష్టానం ఆదేశం మేరకు నియోజకవర్గ శాసనసభ్యులు దూరంగా వుండగా జగన్ సొంత టీవీ చానెల్ లో యాత్ర గురించి వుదరగోడుతూ మధ్య మధ్యలో ‘కనబడుటలేదు- స్థానిక నియోజకవర్గ శాసన సభ్యులు’ అంటూ ప్రకటనలు ఇవ్వడంతోనే అర్ధం అవతుంది జగన్ కి కావలసింది ఏమిటో. ఒకప్రక్క ఈ యాత్ర వ్యక్తిగతం అంటూనే మరో ప్రక్క ఇటువంటి ప్రకటనలు ఇవ్వడంలోనే జగన్ అంతరార్ధం స్ఫష్టం గా అర్ధం అవుతుంది. ఈ వోదర్పు యాత్ర మరో ఒకటిన్నర నుండి రెండు సంవత్సరాలు పాటు జరుగుతుందని మంత్రి బాలినేని శ్రీనివాస రెడ్డి ప్రకటించారు (అంటే మరో రెండు సంవత్సరాలు సాక్షి టీవీ చూడనక్కరలేదు), జగన్ ప్రణాళిక పక్క వ్యూహం తో ముందుకు వెళుతున్నాడు. కాంగ్రెస్ కి సంప్రదాయ ఓటు బ్యాంకు క్రింద వున్న దళితులను తనవైపు తిప్పుకోడం (దీనికోసం క్రిస్టియన్ చర్చి లను బాగా వుపయోగిన్చుకొంటున్నారు), కాంగ్రెస్ కేడర్ వుపయోగించుకొని బలపడి చివరికి వేటు వేఇంచుకొని బయటకు వచ్చి పార్టీ పెట్టడం (కాంగ్రెస్ –ఆర్ కావచ్చు) ఇదీ జరగబోయే పరిణామం.

ఇక కాంగ్రెస్ కి కష్ట కాలమే!! దానికి వున్న దారులు రెండే... ఒకటి జగన్ తో సర్దుకుపో‌‍‍‌‍ఇ వచ్చే ఎలక్షన్ లలో ముఖ్యమంత్రి అభ్యర్దిగా ప్రకటించడం, లేదు అంటే సాధ్యమైనంత తక్కువ నష్టం తో జగన్ ని బయటకు పంపించి చిరంజీవికి రెడ్ కార్పెట్ వేయడం. ప్రస్తుతం కాంగ్రెస్ లో జనాకర్షణ వున్న నాయకులు ఎవరూ లేరు, వచ్చే ఎన్నికలలో కాంగ్రెస్ వై ఎస్ ఆర్ జపం చేయక తప్పదు, జగన్ ని ఎదుర్కోవాలంటే కాంగ్రెస్ కి చిరంజీవి తప్ప మరో మార్గం లేదు, ఐతే చిరంజీవి కి ముఖ్యమంత్రి అభ్యర్ధి గా ముందుగా ప్రకటించక పోవచ్చు కాని ప్ర.రా.ప ని కాంగ్రెస్ లో కలపడం ద్వారా కాంగ్రెస్ లో చిరంజీవికి సముచిత స్థానం దొరుకుతుందనటం లో సందేహం లేదు, మొత్తానికి చిరంజీవి ‘జాక్ పాట్’ కొట్టబోతున్నారని అనిపిస్తుంది. మరి మీకేమనిపిస్తుంది......

చంద్ర బాబు X రాజశేఖర రెడ్డి

2010-09-21T05:21:00.000-07:00

పరస్పర వ్యతిరేఖ లక్షణాలు వున్న ఇద్దరు వ్యక్తులు ఆంధ్ర ప్రదేశ్ లో అత్త్యున్నత స్థానాన్ని అలంకరించడం మనం చంద్రబాబు, రాజశేఖర రెడ్డి ల రూపం లో చూడవచ్చు. ఐతే ఇద్దరిలోనూ కామనగా వున్న ఒక లక్షణం ‘అవినీతి’.

అవినీతి కి తలుపులు బార్లా తెరిచిన వ్యక్తి చంద్రబాబే. రామారావు అధికారంలో వుండగా ఆర్ధిక మంత్రిగా పనిచేసిన చంద్రబాబు అత్యంత అవినీతి పరుడిగా చెప్పు కోవడం నాకు ఇంకా గుర్తు వుంది (అప్పట్లో నీను హై స్కూల్ చదువుతున్నా). యన్ టి రామా రావు ని పడగొట్టి మొదటి సారిగా సెప్టెంబర్ 1, 1995 న ముఖ్యమంత్రి గా గద్దినెక్కిన తరువాత ఆయన అవలంభించిన అవినీతి విధానాలే రాజశేఖరుడు మరిన్ని రెట్లు ముందుకు తీసుకుపోయాడు.

చంద్రబాబు మీద ముఖ్యంగా వున్న ఆరోపణలలో ఆయన దొంగడబ్బు తరలించి సింగపూర్ లో హోటల్స్ లో పెట్టుబడి పెట్టాడని, ఐతే ఇప్పటివరకు దీనిమీద సరిఐన ఆధారాలు చూపిన వారు ఎవరూ లేరు (మీలో ఎవిరికైనా తెలిసి వుంటే, కామెంట్ లో తెలియచేయండి). చంద్రబాబు కు సత్యం కు వున్న లింకు మాత్రం కచ్చితంగా ఆయన అవినీతిని తెలియచేసేదే. అలాగే అయన హేరిటేజ్ భూముల కుంభకోణం గురించి కుడా నమ్మదగిన ఆధారాలు వున్నాయి. ఎస్ ఇ జడ్ లు పేరిట డెవలప్ చేసిన ప్రాంతాల లో ముందుగానే భూములు కొని ఆస్తులు పెంచుకోన్నట్టు కుడా ఆరోపణలు వున్నాయి, బిల్లీ రావు తో ఆయన సంబంధాలు ప్రశ్నించదగ్గవే. చాలా మంది నమ్మకం ఏమిటంటే ఆయన అక్రమ సంపాదన అంతా రామోజీ రావు ద్వారా చలామణీ అవుతుందని, కానీ ఎవరూ ఇప్పటివరకూ నిర్దిష్టమైన ఆధారాలను చూపలేదు. ముఖ్యం గా ఆయన కు అంటుకొన్న అతిపెద్ద అవినీతి మరక రిలయన్స్ కి కె జి బేసిన్ లో ఆయిల్ ఎక్స్ ప్లోరేషన్ కి అనుగుణంగా రాష్ట్ర ప్రయోజనాలను తాకట్టుపెట్టి వారివద్ద నుండి పెద్దమొత్తంలో దండుకోన్నరనేది (Check in Wiki).

ఎన్నికలలో ధన ప్రవాహం, విచ్చలవిడితనం చంద్రబాబుతోనే మొదలు అయ్యాఇ. ప్రకటన పేరుతో ప్రజా ధనాని దుర్వినియోగ పరచడం కుడా ఆయనతోనే మొదలు, రాజశేఖరుడు దానిని 100 రెట్లు పెంచాడు. హై టెక్కు ముఖ్యమంత్రి గా, రాష్ట్రానికి సి ఈ ఓ గా పేరుగడించినా రైతులను చిన్నచూపు చూపు చూసి, పల్లె ప్రజలు, రైతుల జీవన ప్రమాణాలను పరిగణలోకి తీసుకోకుండా ఆయన చెప్పట్టిన చర్యలు ఎక్కువమందికి ఆమోదయోగ్యం కాలేదు. ముఖ్యంగా ఇరిగేషన్ డిపార్టుమెంటు ఈయన కాలంలో పడుకుందని చెప్పాలి, కొత్తగా కట్టిన ప్రాజక్టు కాని, రైతులకు వుపయోగపడే ఒక్క స్కీం గాని ఈయన పాలనలో వచ్చింది లేదు. ఒక్క వుదాహరణ చెప్పాలంటే ఒరిస్సా బోర్డర్లో వున్న ‘జంజావతి’ ప్రాజెక్ట్ యన్ టి రామా రావు హయం లో మొదలై రిజర్వాయర్ పూర్తి కావచ్చిన దశలో ఒరిస్సా తో వున్న చిన్న చిన్న అభ్యంతరాలు వాళ్ళ ఆ ప్రాజక్టు ఆగిపాయింది. అక్కడ వున్న వుద్యోగులందరికీ సంవత్సరాల తరబడి (వాళ్ళకి ఒక కాలని వుంది) వట్టినే కూర్చోబెట్టి జీతాలు ఇచ్చారు కాని చిన్న పని కుడా ముందుకు పోలేదు చంద్రబాబు హయంలో. అక్కడ వున్న యంత్రాలు అన్నీ తుప్పుపట్టి పనికిరాకుండా పోయాయి. హైటెక్కు ముఖ్యమంత్రిగా చెప్పబడే బాబు దాని వంక చుస్తే ఒట్టు. చివరికి రాజశేఖర రెడ్డి బెల్జియం నుండి రబ్బరు డ్యాం తెప్పించి దానిని వుపయోగంలోకి తీసుకు రావలసి వచ్చింది. అప్పటివరకు పంటలు లేక 30, 40 వేల మధ్య వున్నా పొలాలు ఇప్పుడు దాదాపు 2 లక్షలు పలుకుతున్నాయి (నేను ప్రత్యక్ష్యంగా పార్వతీపురం, జంజావతి ప్రాజక్టు కు వెళ్లి చూసి వచ్చా). నేను ఈ వుదాహరణ ఎందుకు చెబుతున్నానంటే బాబు హయంలో ఇరిగేషన్, వ్యయసాయం ఎంత వుదాసీనతకు గురి అయ్యాయో తెలియచేయడమే.

చంద్రబాబు/ రాజశేఖర రెడ్డి కొన్ని విషయాలలో అసలు పోలిక వుండదు-

బాబు ఎవ్వర్నీ నమ్మడు (తన నీదని కుడా) / వై ఎస్ ఆర్ నమ్మిన వాళ్ళను వదలడు

బాబు కుడా వుండేవాడు మీద మచ్చాపడితే వెంటనే వదిలేస్తాడు / వై ఎస్ ఆర్ వాళ్ళ కొమ్ము కాస్తాడు – ఇది మంచి లక్షనం గా కనిపించవచ్చు కానీ బాబు విధానమే కరెక్ట్.

బాబు కి రోడ్స్ బాగా వుండాలి / వై ఎస్ ఆర్ కి కాలవలు, ఇరిగేషన్ బాగుండాలి

బాబు కి మీడియా అంటే భయం, గౌరవం / వై ఎస్ ఆర్ కి మీడియా అంటే భయం, గౌరవం లేవు

కానీ ఇద్దరిలోనూ కామన్గా వున్న లక్షణం అవినీతి. కాకపొతే వై ఎస్ ఆర్ కన్నా కొంచెం తక్కువ అంతే. ఇద్దరికీ ప్రజాస్వామ్య పద్దతులు మీద నమ్మకం లేదు, ఎన్నికలు అంటే డబ్బులు పంచడం, సారా పంచడం, ప్రజలను మభ్యపెట్టి గెలవడం. మళ్ళీ ఈ డబ్బును ప్రజల నుండే దోచుకోవడం. ఈ విషయంలో ‘లోక్ సత్తా’ పార్టీ రాజకీయ పార్టీ లను ఎలక్షన్ లలో డబ్బు, సారా పంచడం చేయకూడదని, దానికి బహిరంగంగా ప్రమాణం చేయాలని కోరితే ఇటు టి డి పి గాని , అటు కాంగ్రెస్స్ కాని విననట్టే వున్నాయి.

పోల్ రిసల్ట్ - రాజశేఖర రెడ్డి / జగన్ రూ .1,00,000 కోట్లు అక్రమ ఆస్తులు కూడపెట్టారన్న ఆరోపణలను మీరు నమ్ముతున్నారా ?

2010-09-21T02:25:00.000-07:00

ఈ పోల్ లో 77 మంది పాల్గొన్నారు.
అవును అని సమాదానమిచ్చినవారు - 67 మంది (87%)
కాదు అని సమాదానమిచ్చినవారు - 10 మంది (12%)
ఈ పోల్ వల్ల విద్యాధికులు లో (కనీసం ఇంటర్నెట్ వాడడం తెలిసిన వారు) ఎక్కువ శాతం రాజశేఖరరెడ్డి/జగన్ లఫై వచ్చిన ఆరోపణలు నమ్ముతున్నారని నేను భావిస్తున్నాను. ఐతే చదువు లేని వారు, స్వప్రయోజనాలను ఆశించి కూడా వుండేవారి అభిప్రాయం ఇదేవిధంగా వుంటుందని చెప్పలేం

అవును... దోచుకోవడం వారి కుటుంబ వ్యాపారం.

2010-09-16T09:14:00.001-07:00

రెండు రోజుల క్రితం ఈనాడు సంచలనాత్మక కధనం (సరస్వతి ఇండస్ట్రీస్) తో ఖంగుతిన్న జగన్ వర్గం ఎదురు దాడికి దిగింది. ఎ పి ఐ ఐ సి లో అధికారం వెలగబెట్టి కోట్లాది రూపాయలు బొక్కిన అంబటి రాంబాబు గనులు త్రవ్వుకోవడం వై ఎస్ ఆర్ కుటుంబ వ్యాపారమని నిజం చెప్పాడు . ఐతే రాష్ట్ర ముఖ్యమంత్రి గా వున్నా వ్యక్తి రాష్ట్ర ప్రయోజనాలను కాలరాసి సొంత ఆస్తులు పెంచుకోవడం కరక్టేనా?. పులి గడ్డి తింటుoదా , ఫ్యాక్షనిస్టు ప్రజా ప్రయోజనాలను పట్టించుకొంటాడా ?. వై ఎస్ ఆర్ తండ్రి రాజా రెడ్డి ఎంతో మంది రక్తం కళ్ళ చూసి గనులు, భూములు ఆక్రమించుకొని ఫ్యాక్షన్ నాయకుడుగా వెలుగొంది ఆ ఫ్యాక్షన్ లోనే అంతమవగా ఆయన కన్నా రెండు ఆకులు ఎక్కువ చదివిన వై ఎస్ ఆర్ ‘క్రోనీ కేపటలిస్ట్’ గా (అధికారం అడ్డం పెట్టుకొని వ్యాపార సామ్రాజ్యాన్ని విస్తరించుకోనేవాడు – క్రోనీ కేపటలిస్టు) ఇబ్బుడి, ముబ్బిడి గా ఆస్తులు పెంచుకొన్నారు. ఈ వై ఎస్ ఆర్, గాలి జనార్ధన రెడ్డి, జగన్ లాంటి వాళ్ళు నమ్మేది ఒకటే సిద్దాంతం ‘ప్రతి మనిషికి ఒక రేటువుంటుంది’, వీళ్ళు చేసే పని బాగా డబ్బు పోగేయ్యడం ఆ డబ్బునే వెదజల్లి అక్రమంగా మరింత డబ్బు సంపాదించడం, అధికారంలోకి వచ్చి ఎదురులేకుండా చేసుకొని ఎదేచ్చాగా దోచుకోవడం. ఈ విష వలయం ఇలా సాగుతూ వుంటుంది.

రైతు భాంధవుడు గా, మహా నాయకుడు గా చెప్ప బడుతున్న వై ఎస్ ఆర్, బామర్ది కడప మేయర్ రవీంద్ర రెడ్డి అక్రమంగా వేల టన్నుల ఎరువులు బ్లాక్ మార్కెట్లో అమ్ముకొంటూ (దానిలోనూ కల్తీ చేస్తూ) రైతుల పొట్ట కొడుతుంటే వై ఎస్ ఆర్ ఏమిచేసాడు? పైగా రాయలసీమ సరిపోఇనట్టు లేదు...పచ్చిమ గోదావరి జిల్లాలో దెందులూరు లో ఎరువుల కర్మాగం పేరుతో (వీళ్ళు ఏదీ ప్రొడక్షన్ చేయరు, అన్నీ కలిపి ఒక పేరుపెట్టి అమ్ముకొంటారు, పైగా కల్తీ చేసి ఎక్కువ ధరకు) దందా చేయబొఇ ప్రతిఘటన రావడంతో వెనక్కు తగ్గాడు (వై ఎస్ ఆర్ బ్రతికి వుంటే మళ్ళి వచ్చేవాడేమో ?). ఈ మధ్య జరిగిన విజిలెన్స్ దాడులలో బాగోతం బయటపడింది, ఐనా చిన్న చిన్న వుద్యోగులపైనే తప్ప ఎవరిమీదా చర్యలు లేవు.

ఎంత అమానుషం ...

2010-09-15T11:41:00.000-07:00

కొంచెం సేపు రాజకీయాలను పక్కన పెట్టి చుట్టూ జరిగే సంఘటనలు చూస్తుంటే మనం ఎక్కడ వున్నామా అనిపిస్తుంది. నిన్న నెల్లూరు లో 6 సంవత్సరాల ముక్కుపచ్చలారని పాప ని  కన్న తల్లి (టీచర్ ), ప్రియుడు పెట్టిన చిత్రహింస చుస్తే కన్నీళ్లు ఆగలేదు. వాళ్ళు కొట్టిన దెబ్బలకు లివర్  కూడా దెబ్బతిని ఇంటర్నల్ బ్లీడింగ్  ఐనదంటే ఎంత చిత్ర హింస పెట్టివుంటారో వూహించుకోవచ్చు. ఐనా ఆ పాప (నర్తన) 'అమ్మా' అని ఏడుస్తుంటే చూసిన వారికి గుండెలు పిండినట్టు వుంది.

చిన్న పిల్లల మీద సెక్స్వల్ , ఫిసికల్ హరస్మేంట్ ఈ మధ్య బాగా పెరిగిపోఇంది , స్కూల్ లో అధ్యాపకులే కామాంధులు గా ప్రవర్తించిన సంఘటనలు ఈ మధ్య కాలంలో అనేకం జరిగాయి. చిన్న పిల్లల మీద జరిగే అఘాయిత్యాలలో బయటకు తెలిసేవి చాలా తక్కువే. ఇటువంటి వాటిని అరికట్టడానికి ప్రభుత్వం అమెరికా తరహాలో కటినమైన చట్టాలు చేసి ఒక హెల్ప్ లైన్ కూడా ఏర్పాటు ఏర్పాటు చేసి వాటిని విస్తృత ప్రచారం చేయడం వల్ల ప్రయోజనం వుండవచ్చు.

అందరూ గురువిన్దలే......

2010-09-15T02:35:00.000-07:00

కడప ముఖ్యమంత్రి వై యస్ రాజశేఖర రెడ్డి రూ 1,00,000 కోట్లు అక్రమంగా కుదబెట్టారని, వాటిపైన విచారణ చేయాలని కోరుతూ తెలుగు దేశం ఆందోళనలు చేపడితే, చంద్రబాబు 2 ఎకరాలనుండి వేల కోట్ల రూపాయలు ఎలా సంపాదించారో చెప్పాలని కాంగ్రెస్ డిమాండ్ చేసింది. మొత్తం మీద వాళ్ళు తిన్నారని వీళ్ళు, వీళ్ళు తెన్నారని వాళ్ళు ఆరోపణలు చేసుకొంటూ వుంటే మనం ఇటు అటు తల తిప్పుతూ వుండాలన్నమాట. జగన్ 45 కోట్లు తో సిమెంట్ ఫ్యాక్టరీ పెట్టి ఒక్క బస్తా సిమెంట్ కుడా తయారు కాకుండానే 3050 కోట్లు (ఫిగర్ ఎగ్జాట్ కాక పోవచ్చు ) 50% వాటాని ఎలా అమ్మడాని ఈనాడు లో వస్తే, మధ్యలో దేవందర గౌడ పేరు బయటకు వచ్చింది, ఆయన మ్యాట్రిక్స్ కంపనీలో ౩ కోట్లు పెడితే అది ఇప్పుడు 500 కోట్లు అవ్వగా లేనిది జగన్ కి రాకూడదా అని ఆయన ‘సాక్షి’ లో వార్త. చంద్రబాబు తినలేదని ఎవరూ అనలేరు కాని రాజశేఖర రెడ్డి హయంలో అవినీతి అవినీతిపరులనే విస్మయానికి గురిచేసింది. చీమను చంపినా, ఏనుగును చంపినా ఒకటే అన్న రీతిలో కోటి రూపాయలు అవినీతి ఐనా లక్ష కోట్లు అవినీతి ఐనా ఒక్కటే అన్న రీతిలో ఆయన పాలన సాగింది. ఏది ఏమైనా అవినీతి విషయంలో అందరూ గురువింద గింజలే.

పోల్ రిసల్ట్ – తెలంగాణా పరిష్కారానికి ముందుగా హైదరాబాద్ ను పరిష్కరించాలా ?

2010-09-14T10:27:00.001-07:00

ఈసారి గతంలో ఎప్పుడూ లేనంత వుత్సాహం గా చాలా మంది పోల్ లో పాల్గొన్నారు. వోటింగ్ సెంచరి దాటి 101 వోట్లు పోల్ అయ్యాఇ. వీటిలో 65% ( 66 మంది) ‘అవును’ అని అభిప్రాయ పడగా, 34% (35)మంది ‘కాదు’ అని అభిప్రాయ పడ్డారు.

నాకు నచ్చిన రెండు తెలంగాణా కవితలు....

2010-09-12T12:06:00.000-07:00

ఈమధ్య అంతర్జాలం లో తిరుగుతుండగా నాకు తెలంగాణా సోదరులు వ్రాసిన రెండు అధ్బుత మైన కవితలు కనిపించాయి. ఒకటి హైదరాబాదు నిజాం కాలంలో అభివృద్ధి చెందినదని అన్న కెసిఆర్ మీద (ఆ విధంగా మాట్లాడిన వారి అందరికి ఇది వర్తిస్తుంది ) ఎక్కుపెట్టగా మరొకటి తెలంగాణా ప్రజల గుండెకోత తెలియచేస్తూ సాగుతుంది. మీరు ఈ పోస్టింగ్స్ ని http://jabilli.wordpress.com/2010/02/10/ అడ్రెస్స్ లో చూడవచ్చు.

కవిత -1

కేసీఆర్ … "నీకు గోరికడతాం కొడక" … నీ (క్రాంతి) – సేకరణ

ఇప్పుడు సమాధులు మాట్లాడుతున్నై…!,
రాత్రికిరాత్రి తెలంగాణ నిద్రలేచి
కాళ్ళ కింద గతాన్ని తోవ్వు కుంటాండి,
సాయుధ పోరాట గమనాన్నీ గుర్తుకు తెచ్చు కున్తన్ది !
ఒక "బద్మాశ్ గాడి మాట" మృతవీరుల
ఆత్మని తూట్లు తూట్లు జేస్తన్నది..!
ఇప్పుడు నేను చరిత్ర తెలియనోని నాల్కను గొసకపొయి
కామ్రెడ్ "రావి నారాయణ రెడ్డి" సమాధి ముందు బెట్టాల..
బానిసల్ని జేసినోని బూజానెక్కి "ఓటు" కోసం
నీతిమాలిన మాటలో డి కంట్లో వరంగల్లు కారం జల్లాల..!
ఈ గద్ద ముక్కొడికి
గెరిల్లా యోధుల గుండె మంటలేం దెల్సు?
అరె.. గుండెలు మండిపోతున్నైరా.. ఎలా తట్టుకునేదీ మాటలు
ముఖ్దూంసాబ్, బద్దం ఎల్లా రెడ్డి, చాకలి అయిలమ్మ, తమ్మారపు గోవిందు
మళ్లీ చంప బడ్డార్రా…. బిడ్డ
వాడిని క్షమించొద్దు..!
నీ "బాన్చనన్నా" బతుకులు కూల్చబడ్డది,
నీ "కాల్మోక్థ" అన్నా చెరచబడ్డ ఆడది
వాడికేం తెల్సు????
పోరాటం కోసం బతుకుని బుల్లెట్లకు దారాబోసినోళ్ళు,
ఆజాదీ కోసం గుండెల్లో గుళ్ల వర్షం కురిపిచ్చుకున్నొళ్ళు,
మాతాత పక్కతెముకలు కుప్ప చేసిన బూట్లదెబ్బలు,
గిరిప్రసాద్ రొమ్ము చీల్చిన బుల్లెట్ సంగతి,
చిట్యాలలో నర మేధం..
వాడికేం తెల్సు???
వోరేయ్ శవ సంభోగి……
నీ మాటలు విన్నాక కాటికి కాల్జాపిన మా జేజి "కాంద్రించి ఉమ్మింది",

పక్షవాతంలోనూ మాతాత "పళ్ళు గొరికిందు" ,
"నిజాం (నిరంకుశత్వాన్ని) ని వెయ్యిసార్లు పోగుడ్థా" అన్న నీ ఫోటో ఉన్న పేపర్ మీద
మా పిలగాడు "ఉచ్చ బోస్తన్నాడు"
ఉద్యమ నేత ముసుగ్గప్పుకున్న తాగుబోతొన్ని, బుధ్ధిహీనున్ని,
మా గుండెల మీద తీవ్రంగా ఎగిరే "ఎర్ర జెండాని" ఒక నిమిషం చూసే ధైర్యం లెనొన్ని
ఇంతకన్నా ఎం శిక్షించగలం ??????
"క్రాంతి" ("నీ")
( మహొజ్వలిత తెలంగాణ సాయుధ పోరాట చరిత్రని ఇంటి చరిత్రగా భావించే మా కుటుంబం, ఉద్యం కోసం ఎన్నో త్యాగాలు చేసిన మా కుటుంబం లో పుట్టి.. ఒక నర హంతకుడైన "నిజామ్ని" తెలంగాణ నిర్మాత, గొప్పోదు, వెయ్యిసార్లు కీర్తిస్తా అన్న కేసీయార్ మాటలు.. విని రక్తం మరిగి పోయినప్పుడు..)

Source : http://www.orkut.co.in/Main#CommMsgs?cmm=23418282&tid=2580887713393553711&start=1

కవిత -2
మొత్తం తెలంగాణాకే గోరి కడ్తున్నరు కొడుకా!
కేసీఆర్‌ను పక్కన పెట్టి
జరసేపు తెలంగాణ పల్లెల్ని చూడు తమ్మీ!
జీవనదులు గలగల బిరబిరా పారుతున్నా
పంటలు ఎట్ల ఎండిపోతున్నయో, రైతులు ఎట్ల ఆత్మహత్యలు చేసుకుంటున్నరో
ఎన్ని గోరీలు లేస్తున్నయో కండ్ల పడ్తది.
వరంగల్లు లో తాగనీకి కూడ నీళ్లు లేక
నాల్రోజులకోసారి నల్లాల దగ్గర జరిగే
గెరిల్లా యుద్ధం కండ్లార చూడొచ్చు.
విశాలాంధ్ర అంటే ఆంధ్రుల హృదయం
మా లావు ”ఇషాలం” అనుకున్నం గని
ఇంత విషముంటదనుకున్నమా?
నాటి దొరలు, జమిందార్లు, జాగిర్దార్ల కంటె అన్నాలంగ
మన నీళ్లను, పొలాలను, ఉద్యోగాలను
ఇట్ల దోచుకు తింటరనుకున్నమా?
తిన్నింటి వాసాలను కాలబెడ్తరనుకున్నమా? పోలీసు చర్య ఎవర్ని ఉద్దరించింది? అధికారాన్ని ఏ పోరాట యోధులకు అప్పగించింది? మన ఆడోళ్లను బరిబాత బతుకమ్మలాడించినోళ్లకే కదా!
నిజాముకు ”రాజప్రముఖ్‌” బిరుదునిచ్చి,
”రాజభరణం” మంజూరు చేసి వాడు చచ్చేదాన్క
కాపలా కాసింది ఎవరు కేసీఆరా? తెలంగాణా సమరయోధులకు ఇప్పటికీ
స్వాతంత్ర సమరయోధుల పింఛన్లు రాకుండా
అడ్డుకుంటున్నది ఈ అర్భకుడేనా? తెలంగాణా చరిత్రకు, తెలంగాణా సంస్కృతికి
పాఠ్య ప్రణాళికలో సముచిత స్థానం దక్కకుండా
తెలంగాణా మూలవాసులు తెలంగాణాలోనే
కాందీశీకుల్లా ఇతర్ల దయాదాక్షిణ్యాలపై
ఆధారపడి బతికే దౌర్భాగ్యం నీకు కనబడటంలేదా? కే సీ ఆర్‌ స్థానంలో నాటి కామ్రెడ్లే వుంటే
తెలంగాణా చరిత్ర మరో మలుపు తిరిగేది కాదా
ఆంధ్ర నేతల వల్లనే కదా ఎర్రజండా కూడా
వలసవాదుల కొమ్ము కాస్తోంది.
అసలు వాస్తవాల్ని గమనించకుండా
చారిత్రక తప్పిదాలు చేస్తూ ప్రజలకు
ఇంకా దూరం కాకు
జై తెలంగాణా అనడానికి ఇప్పటికైనా వెనుకాడకు.

మాటలు వదలకండి...కత్తులు దిన్చకండి

2010-09-11T09:57:00.000-07:00

తెలంగాణా వుధ్యమం చేసుకొనే హక్కు ప్రజలకు ఎలా వుందో సమైఖ్య ఆంధ్ర వుధ్యమం హక్కూ అంతే వుంది, అదే ప్రజాస్వామ్యం గొప్ప లక్షణం. కానీ ఈ పోరాటంలో భాగంగా రాజకీయనాయకులు మొదలు చదువుకున్నవారు, చాదువులేనివారు అనే తేడా లేకుండా ఆంధ్రా వారిని దోచుకొంటున్నారు.. దోచుకొంటున్నారు అని కొందరు విపరీత పద ప్రయోగం చూస్తుంటే అసహ్యం కలుగుతుంది?

ఆంధ్రా వారు దోచుకొనే దొంగలా ? ఐతే తెలంగాణా వారు దొరలా ?. తెలంగాణా వాడు తెలంగాణా లో దోచుకొంటే వాడిని ఏమంటారు ?. నిజానికి తెలంగాణాను ఆంధ్రా వాళ్ళు దోచుకోలేదు, తెలంగాణా రాజకీయ నాయకులే దోచుకొన్నారు, తెలంగాణా రాజకీయ నాయకులు ఎప్పటికప్పుడు వాళ్ళ పబ్బం గడుపుకుంటూ తెలంగాణా ప్రజల ఆకాంక్షలను, అభివృద్ధి ని పట్టించుకోకపోవడం వల్లే ఈ పరిస్థితి దాపురించింది. ఏది ఏమైనా రాజకీయనాయకులు చేసిన తప్పిదాలకు గంపగుత్తగా ఆంధ్రా ప్రజలందరినీ దొంగలండం ఎంతవరకు సబబు ? విడిపోవడం తప్పదు ఐనప్పుడు న్యాయంగా ఎవరి వాటా వారికి వస్తుది, ఈలోగా ఇటువంటి విపరీత ఆరోపణలు చేసి మనసులు విరిచేసి, గుండెల్లో కత్తులు దించేసి ఇరువర్గాల ప్రజల మధ్య అగాధం సృష్టించడం తెలంగాణా వాదులకు న్యాయమా?

తెలుగు తల్లి X తెలంగాణా తల్లి

2010-09-10T23:03:00.000-07:00

తెలంగాణా సాధనలో భాగంగా ప్రజల భాగోద్వేగాలను రెచ్చగొట్టడానికి, తెలంగాణా మంట రాజేస్తూ వుండటానికి తెరాస చేసిన రాజకీయ గిమ్మిక్కు ‘తెలంగాణా తల్లి’. భాద్యత కలిగిన పౌరులు ముందు దేశాన్నీ తరువాత తన బాషను గౌరవించాలి. భారతదేశాన్ని ‘భారతమాత’ గా, మనం మాట్లాడుకొనే తెలుగు భాషను ‘తెలుగు తల్లి’ గా మనం చెప్పుకొంటున్నాం. తెలుగు తల్లి అంటే తెలుగు మాట్లాడేవారు అందరికి తల్లి అని అర్ధం అంతే గాని ఆంధ్ర వారికో లేక రాయలసీమ వారికో మాత్రమే తల్లి కాదు. తెలంగాణలో వున్న వారు మాట్లాడేది తెలుగు కాదా? వారు భాషను గౌరవించవలసిన అవసరం లేదా ? తెలుగు తల్లి అని కాక ‘ఆంధ్రా తల్లి’ అనో ‘రాయలసీమ తల్లి' అనో వుంటే అందుకు బదులు తెలంగాణా తల్లిని పెట్టుకొంటే దానికి అభ్యంతరం లేదు, పోనీ తెలంగాణా తల్లి ని ప్రతిస్టించుకొన్నా అభ్యంతరం లేదు కానీ ‘తెలుగు తల్లి’ ని అవమాన పరచడం ఎంతవరకు సబబు? శ్రీ శంకరంబాడి సుందరాచారి వ్రాసిన మన తెలుగు తల్లి గీతాన్ని అవమానించడం తగునా?

తెలంగాణా వుధ్యమంలో తెరాస పాత్ర కూరలో కర్వేపాకేనా ? ఒక విశ్లేషణ...

2010-09-10T08:55:00.000-07:00

దాదాపు 9 సంవత్సరాల క్రింద ఏర్పడిన తెరాస ఈ రోజు తెలంగాణా వుధ్యమంలో కీలక పాత్ర వహిస్తున్నప్పటికీ, దాని అస్తిత్వం ప్రస్నించు కొంటే కూరలో కర్వేపాకేనా అని సందేహం రాక మానదు.

ఏ రాజకీయ పార్టీ ప్రత్యేక తెలంగాణా దిశగా ఆలోచన కూడా చేయని సమయంలో ఏ కారణంగానైతేనేమి కెసిఆర్ ప్రత్యేక తెలంగాణా ఎజండాగా తెరాస ని స్థాపించి తెలంగాణా వాదాన్ని ముందుకు తీసుకుపోయారనడంలో సందేహం లేదు. తెరాస పార్టీ ని స్థాపించిన తరువాత 9 సంవత్సరాలుగా కెసిఆర్ ఎన్ని తప్పులు చేసినా, శుష్క వాగ్దానాలు చేసినా తెలంగాణా ప్రజలు క్షమించడానికి కారణం తెలంగాణా వాదాన్ని నిలబెట్టడమే. రాజశేఖర రెడ్డి బ్రతికి వుండగా మొదటిసారి వుపఎన్నికలు జరిపించి చేతులు కాల్చుకొన్న కెసిఆర్ ఒక దశలో రాజీనామా కుడా చేసారు. ఐతే ఆ ఎన్నికల ఫలితాలవల్ల తెరాస దేబ్బతింటే వచ్చే ప్రమాదాన్ని తెలంగాణా వాదులు గ్రహించారు. ఒకపక్క ఏ ఇతర రాజకీయ పార్టీని నమ్మలేని స్థితి లో తెలంగాణా వాదులు తెరాస ని బ్రతికిన్చుకోవడంలో అనివార్యత ని గుర్తించారు. మరో ప్రక్క తెరాస బలహీన పడితే ఆంధ్ర రాజకీయనాయకులు తెలంగాణాను అడ్డుకొంటారనే కెసిఆర్ వాదన, ప్రచారం తెలంగాణావాదులను ఆలోచనలో పడేసింది.

నిజానికి ప్రస్తుతం జరుగుతున్న తెలంగాణా వుధ్యమంలో తెరాస కన్నా విద్యార్ధులు, తెలంగాణా వాదుల పాత్రే ఎక్కువ. వీరందరికీ తెరాస అన్నా కెసిఆర్ అన్న పూర్తి అభిమానం వుందనుకొంటే అది తప్పే. నిరాహారదీక్ష మొదలుపెట్టి 24 గంటలు గడవకుండానే చాప చుట్టేసిన కెసిఆర్ విద్యార్ధుల ఆగ్రహం వల్లనే తిరిగి కొనసాగించి చిదంబరం చేత ప్రకటన వచ్చేటట్టు చేసారు, దీనిని కెసిఆర్ కన్నా కెసిఆర్ ని హీరో చేసిన విధ్యార్దుల గోప్పదనంగానే చెప్పుకోవాలి.

చిదంబరం ప్రకటన తరువాత జరిగిన పరిణామాలలో తెలంగాణావాదులు అందరిని ఒక గొడుగు క్రిందకు తెచ్చే అనివార్యతను గుర్తించడం వల్లనే తెలంగాణా విద్యార్ధి జేఏసి, తెలంగాణా మేధావులు, తెలంగాణా అనుకూలురుకు కనబడిన ఏకైక ప్రత్యామ్నాయం తెరాస , కెసిఆర్ లను బలపరచడమే. రెండవసారి జరిగిన బై ఎలెక్షన్లు లో దీని ప్రభావం స్పష్టంగా కనపడింది. ఒకవిధంగా చెప్పాలంటే కెసిఆర్/తెరాస కు జేఏసి,తెలంగాణా వాదులకు మధ్య ఒకవిధమైన సింబయాటిక్ రిలేషన్ (ఒకరికి ఫై ఒకరు ఆధార పడి ఇద్దరూ లాభపడడం) కొనసాగుతూ వుంది. ఐతే ఈ బంధం ఒకసారి తెలంగాణా సాధన సాకారం ఐన తరువాత నిలిచివుంటుందని గారంటీ లేదు. తెలంగాణా ఏర్పాటులో సహకరిస్తే కాంగ్రెస్ లో తెరాస ని విలీనం చేస్తానని కెసిఆర్ ఎప్పుడో ప్రతిపాదించడం వెనుక ఆయన అంతరార్ధం ఇదే ఐ వుంటుంది. నా వుద్దేశం ప్రకారం కెసిఆర్ తప్పులు కొనసాగించుకొంటు పొతే, రాష్ట్ర విభజన తరువాత తెలంగాణా వాదులు ఆయనని, ఆయన పార్టీ ని కూరలో కర్వేపాకులా ప్రక్కన పెట్టడం ఖాయం. మరోలా ఆయన భాషలోనే చెప్పాలంటే కిలోమీటర్ల లెక్కన బొంద పెట్టడం ఖాయం .

మంచి అన్నయ్య, చక్కటి చెల్లమ్మ

2010-09-10T00:25:00.000-07:00

రాజకీయాలలో స్వప్రయోజనాలకే గాని సిద్దాంతాలకు విలువ లేదని, రాజకీయాలలో విలువలు దిగాజారిపోయయని మరోసారి నిరుపితమయింది.

ఎప్పుడో ‘తల్లి తెలంగాణా’ పార్టీ పెట్టి అప్పుడప్పుడు కాగితం మంటలా బగ్గు బగ్గు న రెండు స్టేట్మెంట్స్ ఇచ్చి గమ్మున వుండే చెల్లమ్మ ‘విజయ శాంతి’ గత ఎలెక్షన్స్ లో తెరాసలో విలీనమయి, మెదక్ స్థానాన్ని పోరాడి మరి దక్కించుకొని తరువాత కెసిఆర్ కు హ్యాండ్ ఇచ్చి రాజశేఖర రెడ్డి గంపలోకి దూకడానికి సిద్ధమయింది. అప్పట్లో కెసిఆర్ కి కాని తెరాస కి కాని మొహం చూపించని చెల్లమ్మ రాజశేఖర రెడ్డి హటన్న్మరణం తో రూటు మార్చి, గేరు మర్చి మళ్ళి తెరాస కు దగ్గరైంది.

ఒకానొక సందర్భంలో విజయశాంతి ని పార్టినుండి బహిష్కరించాలని భావించిన తెరాస నాయకత్వం ఎందుకో విజయశాంతిని అక్కున చేర్చుకోంది. బహుశా విజయశాంతి రాజకీయ అవసరాలకు తగ్గట్టు (ఆవిడ భర్త మీద వచ్చిన ఆరోపణలు కాచుకొనే అవసరం కావచ్చు) రంగులు మార్చి వుండవచ్చు, ఐతే కెసిఆర్ కు ఆవిడను దగ్గరకు తీయవలసిన అవసరం ఏమిటో నాకు ఇప్పటికీ అర్ధం కాలా.

ఈ మధ్య రాఖీ పండగకు విజయశాంతి కెసిఆర్ కు సోదర ప్రేమతో రాఖీ కట్టగా , కెసిఆర్ గారు చెల్లమ్మకు ప్రేమ తో జస్ట్ ఒక లక్ష రూపాయలు బహుకరించారు. తెలంగాణా సాధనలో భాగంగా రాజీ పడి కలిసి ముందుకు వెళ్ళాలనే భావనతో విజయశాంతి, కెసిఆర్ కలిసి వుంటే మంచిదే , కాని మరేదో స్వప్రయోజనాలను ఆశించి జతకట్టి వుంటే అది నిస్వార్ధం గా తెలంగాణా కొరకు పోరాడుతున్న వారిని, పోరాటంలో ప్రాణాలు కొల్పోఇన వారిని పరిహసించినట్టే.

మిత్రులకో మాట...

2010-09-09T00:23:00.000-07:00

నేను ఇక్కడ వ్రాసే విషయాలు ఎవరికీ తెలియనివి కాదు, నేను కొత్తగా తెలియజేయాలనీ కాదు. నా బ్లాగుని ప్రాధమిక హక్కులలో ఒకటి ఐన ‘భావప్రకటనా స్వేఛ్చ’ ని వుపయోగించుకోవడం లో వాడుకొంటున్నా, నా బ్లాగులో లోపల ఒకటి వుంచుకొని బయటికి మరోలా నేను చెప్పను. ఇక నా ఆర్టికల్స్ కి వచ్చే కామెంట్స్ విషయానికి వస్తే, విమర్శల కు భయపడి వెనకడుగు వేయను. విమర్శలే రాకుడదని నేను భావిస్తే ఇక్కడ ఆర్టికల్స్ వ్రాయకుండా ‘చందమామ’, ‘బాలమిత్ర’ లలో కధలు వ్రాసుకోవాలి. సద్విమర్శ ను ఎప్పుడు రచయిత ఆహ్వానిస్తాడు, తనని మలచుకొంటాడు. విమర్శలలో హేయమైన భాషను వుపయోగించే వారికి ఓ నమస్కారం పెట్టి అది వారి సంస్కారం అని అనుకోడం తప్ప నేను ఏమీ చేయలేను.

తెలంగాణా X సమైఖ్య ఆంధ్ర

2010-09-09T00:20:00.000-07:00

తెలంగాణా వుధ్యమం ఎంత వుధ్రుతం గా జరుగుతుందో సమైఖ్య ఆంధ్ర వుధ్యమం అంటే వుధ్రుతం గా జరుగుతుందని నేను అంటే ‘ఔరా !’ అంటూ కొంతమందికి ఆశ్చర్యం కలగడంలో నాకేమి వింత అనిపించలేదు కారణం ఏమంటే బస్సులు తగలబెట్తో, షాపులో తగలబెట్తో, ఆత్మహత్యలు చేసుకొనో, హింసాయుత మార్గాలు అవలంబించో వాటినే వుద్యమ తీవ్రతకు ప్రామాణికం అనుకొంటే నేను ఏమి చెప్పలేను, అటువంటి ప్రమాణాలనుబట్టి ఐతే సమైఖ్య ఆంధ్ర వుధ్యమం తెలంగాణా వుధ్యమం దరిదాపులకు కుడా రాదు!! . కానీ ఒక విషయం గుర్తించాలి, చిదంబరం తెలంగాణా ఏర్పాటుకు ప్రకటన ఇచ్చిన తరువాత ఆంధ్ర ప్రాంతం లో సమైఖ్య ఆంధ్రకు అనుకూలంగా గాలి కూడా స్థంబించింది అంటే అతిశయోక్తి కాదు, దాని ఫలితం గానే చిదంబరం ప్రకటన వెనక్కు తీసుకొని శ్రీకృష్ణ కమిటీ ఏర్పాటు జరిగింది. ప్రస్తుతం కమెటీ పరిశీలన జరుపుతున్న కారణంగా ఆంధ్ర ప్రాంతం లో ప్రశాంతత నెలకొని వుంది, ఐతే తెలంగాణా లో శ్రీకృష్ణ కమెటీ ని పరిగణలోకి తీసుకోకుండా వారిపై వత్తిడి పెంచడానికి వుధ్యమం కొనసాగుతూ వుంది, కెసిఆర్ ఐతే కమెటీ అనుకూలం గా చెప్పకపోతే అంతర్యుద్ధం వస్తుంది అని ముందుగానే కమెటీ ఏమిచేయాలో నిర్దేసిన్చేసారు. ఐతే అన్ని ప్రాంతాలవారికి సమన్యాయం చేయలేకపొతే రాష్ట్రం అగ్నిగుండం అవుతుందని శ్రీకృష్ణ కమెటీకి తెలుసు.

తెలం'గానం' లో 'తెలంగాణా' ఎంత ?

2010-09-06T07:33:00.000-07:00

నేను ఇదివరకు చెప్పిన విధంగా తెలంగాణా గురించి నా అభిప్రాయాలలో ఇది మొదటిది (బహుసా ఈ బ్లాగులో మొదటిసారి తేనితుట్టిని కదిలిస్తున్నానేమో!!). దశాబ్దాల కాలంగా తెలంగాణా సమస్య ఉన్నప్పటికీ గత కొద్ది సంవత్సరాలుగా తెలంగాణా సమస్య మరింత వుధృతమయింది. ఒకానొక సమయంలో అసలు ప్రత్యేక తెలంగాణా అనేది ఎవరి ఊహలకు అందని విషయం. చంద్ర బాబు కారణం గానో మరో కారణంగానో మొత్తానికి తెరాస పార్టీ పెట్టి చంద్రశేఖర రావు తెలంగాణా ఉద్యమానికి జవసత్వాలు అందించారనడంలో సందేహం అక్కరలేదు (ఆయన గురించి ఇక్కడ చర్చించడం లేదు). మద్రాసు సంయుక్త రాష్ట్రంగా వున్న ఆంధ్రప్రదేశ్ ని విడదీసినప్పుడు జరిగిన 'పెద్దమనుషుల' ఒప్పందాన్ని తిరగదోడటం తో బాటు 610 జి ఓ ని కూడా కచ్చితంగా అమలుపరచాలని గట్టి వాదనలు వినిపించాయి (అసలు 'పెద్దమనుషుల' ఒప్పందం ఒకటి జరిగిందని ఎంతమందికి తెలుసో?). మీము వెనకబడి పోయామని, మా నీళ్ళు, ఉద్యోగాలు ఇతర ప్రాంతాల వారు దోచుకొంతున్నారని అరొపిస్తూ తమ రాష్ట్రం ప్రత్యేక తెలంగాణా కావాలని కొరుతూ పెద్ద ఎత్తున ఉద్యమం మొదలైంది (ఇక్కడ ఆ విషయాలు చర్చిన్చాబోవడం లేదు). వెనుకబడిన తెలంగాణాను తాము అభివృద్ధి లోకి తెచ్చుకోవాలంటే ప్రత్యేక తెలంగాణా ఒక్కటే మార్గమని భావించిన ఉద్యమకారులు దేశంలోనే అత్యంత అభివృద్ధి చెందిన రాజధాని 'హైదరాబాద్' ని కోరుకోవడంతోనే చిక్కు వచ్చి పడింది.

అటు చుస్తే ప్రత్యేక తెలంగాణా ఉద్యమాలు ఎంత ఉదృతం గా జరుగుతున్నాయో అంతే గట్టిగా తక్కిన ప్రాంతాలనుండి సమైఖ్య ఆంధ్ర ఉద్యమాలు నడుస్తున్నాయి. ఇటు రాజకీయ పార్టీల పరిస్థితి అడకత్తెరలో పోకచెక్కలా తయారుఐంది. నిజానికి తెలంగాణేతర ప్రాంతాల వారికీ తేలగానా సంస్కృతీ గురించి తెలిసింది తక్కువే, వారి సాంస్కృతిలో భాగమైన పండగలు (ఉదా: సమ్మక్క సారక్క, బోనాలు ) గురించి తెలిసింది కూడా తక్కువే తెలంగాణా లో ప్రాంతాల గురించి తెలిసిందీ తక్కువే . మీము పోతామంటే కూడా పట్టుకు వేల్లాడతారేంటి ? అని తెలంగాణా వాళ్ళ ప్రస్నా. ఐతే ఇక్కడ అర్ధం చేసుకోవలసిన విషయం ఒక్కటి వుంది 'సమైఖ్య ఆంధ్ర' అంటే వాళ్ళ ఉద్దేశ్యం హైదరాబాద్ తో కూడిన ఆంధ్ర అని అర్ధం చేసుకోవాలి (నా వెర్రి గాని ఈ విష్యం అందరికీ తెలిసిందే కదా). సమైఖ్య ఆంధ్ర బలపరిచే వారు చెప్పే కారణాలు వారికీ వున్నై 1 ) ప్రత్యేక రాష్ట్రం కావాలని అడిగిన వాళ్ళు రాష్ట్ర రాజధాని ని కూడా పట్టుకుపోతుండడం దేశంలో ఎక్కడా జరగా లేదు 2 ) హైదరాబాద్ అభివృద్ధి కి ఆంధ్ర ప్రజలు ఎంతో కృషి చేసారు 3 ) హైదరాబాద్ లో వున్న ఆంధ్ర ప్రజల ఆస్తులకు రక్షణ ఏది ? ఇప్పటికే ఆంధ్ర పేరు వున్న షాపులు , హోటల్స్ మీద దాడులు జరుగుతున్నాయి 4 ) హైదరాబాద్ ఇప్పుడు సాఫ్ట్వేర్ హుబ్ గా ప్రపంచదేశాలలో గుర్తింపు పొంది అంతర్జాతీయ విమనయస్రయం తో బాటు అనేక పరిశ్రమలు నెలకొల్పబడి బాగా అభివృద్ధి చెందిన మహా నగరం. ఇప్పుడు క్రొత్తగా హైదరాబాద్ స్థాయిలో రాజధానిని అభివృద్ధి చేసుకోవడం సాధ్యమా ? 5 ) తెలంగాణా మీదుగా వచ్చే నదులలో జలాల వాటా సంగతేంటి ?.... ఇన్ని సంవత్సరాలు హైదరాబాద్ లో పరిశ్రమలు పెట్టి , పెట్టుబడులు పెట్టి , పిల్లలు ఉద్యోగాలు చేసుకొంటూ స్థిరపడిన ఆంధ్ర వారు హైదరాబాద్ పోతుంటే తెల్ల మొకాలు వేసుకొని చూడాలా ?
.... ఇలా ఆంధ్ర వారికి కొన్ని బలమైన కారణాలు వున్నాయి. ఇక ఎట్టి పరిస్తితులలోను కలసి ఉండలేని పక్షం లో హైదరాబాద్ ని ప్రత్యేక ప్రాంతంగా ప్రకటిస్తే ఆంధ్ర వారికి అభ్యంతరం ఉండక పోవచ్చు.

ఇటు తెలంగా గానం చేస్తున్న రాజకీయ నాయకులకు హైదరాబాద్ లేని తెలంగాణా అక్కరలేదు!!! . ఎందుకంటే వాళ్లకు ముఖ్యంగా కావలసింది బంగారం గుడ్లు పెట్టే బాతు కావాలి కాని .. మామూలు బాతు పనిచేయదు. హైదరాబాద్ ని ప్రత్యేక ప్రాంతం గా గాని, వుమ్మడి రాజధాని గా గాని వాళ్ళు ఒప్పుకోవడానికి సిద్దంగా లేరు ( ఆంధ్ర వాళ్ళు వ్యవసాయం చేసి సంపాదించారు, రాయలసీమ వాళ్ళు రాజకీయం లో సంపాదించారు, కనుక తెలంగాణా రాజకీయ నాయకులు వాళ్ళ వంతు కోసం...). ఇక తెలంగాణా విద్యార్ధులు, యువకులు వాళ్ళ కు మరిన్ని ఉద్యోగ అవకాశాలు వస్తాయని ఒక ఆస తో బాటు తమను తక్కిన ప్రాంతాల వారు తక్కువగా చుస్తున్నరనే ఒక భావనలో ప్రత్యేక తెలంగాణా ఒక్కటే మార్గమని నమ్ముతున్నారు. ఐతే అంతిమంగా తెలంగాణా లో పేద ప్రజలు, రైతుల పరిస్థితి మెరుగు పడుతుందని గారంటీ ఏమి లేదు. ఈ తెలం'గానం' చేసే 'తెలంగాణా' రాజకీయ నాయకులు వారి జీవితాలు బాగు చేస్తారని నాకైతే నమ్మకం లేదు.

అంతిమంగా నా అభిప్రాయం ప్రకారం 'హైదరాబాద్' విషయం పరిష్కరిస్తే 'తెలంగాణా' విషయం పరిష్కారం ఐనట్టే.

పోల్ రిసల్ట్ - ఉస్మానియా ఉనివర్సిటీ లో అధ్యాపకుల మీద దాడి ని మీరు సమర్ధిస్తారా ?

2010-09-06T06:06:00.000-07:00

పోల్ లో పాల్గొన్న మిత్రులు ఈసారి అందరు ఒకే మాట మీద నిలబడ్డారు. మొత్తం 38 ఓట్లు పోల్ అవ్వగా అందరూ వ్యతిరెఖిస్తూ (100 %) ఇటువంటి సంఘటనలను సమర్ధించబోమని తెలియచేసారు. గతంలో కంటే ఈసారి వోటింగ్ లో పాల్గొన్న వారి సంఖ్య పెరగడంతోబాటు అన్ని ప్రాంతాల వారు ఒకే రకమైన అభిప్రాయం వ్యక్తం చేయడం ఈసారి నేను గమనించిన విషయం. రాజకీయ ప్రేరేపితం వల్లనే ఇటువంటి సంఘటనలు చోటు చేసుకొంటున్నాయే గాని నిజానికి ఏప్రాంతం వారు ఐనా ఇటువంటి వాటిని అంగీకరించరని ఈ పోల్ తెలియచేసిందని నీను భావిస్తున్నాను.

ఏ మున్నది గర్వ కారణం... అంతా అవినీతి మయం... అలసత్వ నాయకత్వం

2010-09-03T03:21:00.000-07:00

అసలు ఈ మధ్య ఏ విషయం గురించి వ్రాయాలని అలోచిన్చాలిసిన పని లేకుండా వుంది. ఎక్కడ చూసినా అవినీతి తారాస్థాయికి చేరి వుంది. ఎమ్మార్ మొదలుకొని విధ్యరుదుల స్కాలర్షిప్/ ఫీజులు , ప్రాజక్టులు.... ఎలా ఎక్కడ చూసినా వందల, వేల కోట్ల రూపాయలలో అవినీతి చెదలు ఆంధ్ర ప్రదేశ్ ని ఆవరించి వున్నాయి. మరో వైపు తెలంగానా చిచ్చు క్రొత్త పుంతలు తొక్కుతుంటే, జగన్ రాజకీయం ఇంకో వైపు అధికార పార్టీని కంటి మీద కునుకు లేకుండా చేస్తున్నాయి. వీటి అన్నిటి మీదా అభిప్రాయాలు వ్రాస్తూ పొతే ఒక జీవితకాలం సరిపోదేమో!!.

ఇక కేంద్రం విషయానికి వస్తే... ముఖ్యంగా శరద్ పవార్, సురేష్ కల్మాడీ ల గురించి చెప్పుకోవాలి. కేంద్ర మంత్రి ఐ వుండి ఐ సి సి ఆధ్యక్ష పదవి వెలగబెడుతున్న శరద్ పవార్ అలసత్యం కారణంగా 4000000 టన్నులకు పైగా ఆహార ధాన్యాలు ఎందుకు పనిరకుండా పొఇ ఎఫ్ సి ఐ గోడౌన్ ల లో నుండి సముద్రంలో పదవేయవలసి వస్తుంది, ఒక లెక్క ప్రకారం ఈ విదంగా పనికి రాకుండా పొఇన ఆహార ధాన్యాల విలువ 55000 కోట్ల రూపాయలుగా తెలుస్తుది. వీటితో కోటి మందికి పైగా ప్రజలకు ఒక సంవత్సరం ఉచితంగా ఆహారం అందించవచ్చు అని ఒక అంచనా. శరద్ పవార్ క్రికెట్ ప్రేమ దేశానికీ శాపంలా పరిణమించింది. నా అభిప్రాయం ప్రకారం కేంద్ర / రాష్ట్ర మంత్రులను రాజకీయేతర భాద్యతలు తీసుకోవడం మీద నిషేధం విధించాలి.

ఇక కల్మాడీ విషయానికి వస్తే, కామన్వెల్త్ గేమ్స్ అయన చేతిలో పెట్టి భారత ప్రభుత్వం ప్రపంచదేశాల ముందు తల దిన్చుకోవలసిన పరిస్థితి. వందల కోట్ల రూపాయల అవినీతి అటువుంచి కానీసం స్టేడియం లు , సౌకర్యాలు ఐనా సమయానికి సిద్ధం చేస్తారా లేదా అన్నది ప్రస్నార్ధకమే.

ఈనాడు లో నా కధ ... అమ్మో దురద

2010-08-29T09:59:00.000-07:00

చాలా రోజుల తరువాత మళ్లీ మిత్రులందరినీ కలుసుకోవడం ఆనందంగా వుంది. అనుకోని కారణాలవల్ల కొద్ది రోజులు ఎక్కువగా బయటకు వెళ్ళడం వల్ల నా ఈ బ్లాగ్ ని రోజూ అప్డేట్ చేయడం కుదరలేదు.
ఈరోజు నీను బెంగుళూరు కి తెరిగి వస్తుండగా, ట్రైన్ లో నాకు కొందరి మిత్రులనుండి ఫోన్ ద్వారా నేను వ్రాసిన 'అమ్మో దురద' అనే కధ ఈరోజు ఈనాడు సండే స్పెషల్ మేగజిన్ లో వచ్చినట్టు తెలిసింది. ఈ కధని 15 రోజుల క్రితం వ్రాసి ఈనాడుకి పంపించడం జరిగింది, నా కధ అచ్చు అవుతుందని నాకు నమ్మకం ఉన్నప్పటికీ... ఇంత తొందరగా వస్తుందని ఊహించలేదు. మిత్రులు నా కధ చదివి మీ అభిప్రాయాలను తెలియ పరిస్తే ఆనందిస్తాను. మీరు ఈ కధని ఇంటర్నెట్ లో చదవలుకొంటే ఈ లింక్ ని విసిట్ చేయండి - http://www.eenadu.net/htm/weekpanel2.asp

మిత్రులు తో ఒక మాట.....

2010-08-09T00:22:00.000-07:00

నేను చాలా రోజుల తరువాత నా ఈ బ్లాగుని చూసినప్పుడు చాలా ఆశ్చర్యంగా మిత్రులనుండి "పోల్ రిజల్ట్ - బై ఎలక్షన్లో టి ఆర్ ఎస్ అన్ని స్థానాలు గెలుస్తుందా ?" అనే పోస్టింగ్ కి నలుగు కామెంట్స్ వచ్చాయి. ఇది నీను అస్సలు ఊహించలేదు ... ఎందుకంటే నేను ఎంతో ముఖ్యమని భావించిన ఇతర పోస్టింగ్స్ కి ఒక్క కామెంట్ కుడా (ఉదా : సోంపేట కాల్పులు )రాలేదు. ఐతే మిత్రుల కామెంట్స్ కి సమాధానం చెప్పవలసిన భాద్యత వుంది అని భావించి ఈ విషయాలు మీద ఇక్కడ వాటికి సమాధానం ఇస్తున్నా.
26 % (9 మంది) మాత్రమె కరెక్టు గా సమాధానం చెప్పారని పోల్ రిసల్ట్ వచ్చింది అని పెడితే దానికి మిత్రులు కొత్త అర్ధం చెప్పారు "25% మది తెలంగాణా (ఇతర) వారు 75% ఆంధ్ర వారు ఈ పోల్ లో పాల్గొన్నారని, అంతర్జాలం లో తెలంగాణా వారు వెనుక బడ్డారని !!!". నిజంగా ఇది నాకు ఒక కొత్త విష్యం, ఈవిధంగా నా బ్లాగు కి ఎంతమంది తెలంగాణా వారు , ఎంతమంది ఆంధ్ర వారు విసిట్ చేస్తున్నారో తెలుసుకోవచ్చా ? నేను నా బ్లాగ్ లో పెట్టిన ప్లుగ్ ఇన్ తో ఎక్కడి నుండి ఈ బ్లాగ్ చూస్తున్నారో తెలుసుకోగలను కాని ఈ విధం గా కుడా ప్రాంతాల వారిగా కుడా తెలుసుకోవచని ఇప్పుడే తెలిసింది. ఐతే నాకు కొన్ని సందేహాలు వున్నై ... 1. 25% (9 మంది ) ఓట్లు ఒక్కరో, ఇద్దరో, ముగ్గురో ... వేరువేరు కంప్యూటర్స్ నుండి వేసి ఉండవచు kadaa, అలానే 29 వోట్లు విషయంలోనూ జరిగి ఉండవచు కదా ? 2 .సమైఖ్య ఆంధ్ర సపోర్ట్ చేసే తెలంగాణా వారు , తెలంగాణా ను సపోర్ట్ చేసి ఆంధ్ర వారు క్రస్స్ వోట్ చేసి ఉండ వచ్చు కదా ?. అప్పుడు ప్రాంతాల వారిగా నాకు ఎంతమంది విసిట్ చేస్తున్నారో ఎలా తెలుస్తుంది ? కనుక నీను చెప్పేదేమిటంటే ... ప్రతీ దానికి విపరీత అర్ధాలు తీస్తూ ఒకే కోణంలో చూడకండి అని. ఈ పోల్ ని కేవలం ఈ బ్లాగ్ విసిట్ చేసే మిత్రులు ఏమి అనుకొంతున్నారో తెలుసుకొందామని మాత్రమె ... ఇక్కడ ప్రాంతాల వారి చర్చ అనవసరం.

మిత్రులు మరో మాట కుడా అన్నారు "మూడు వందలేం ఖర్మ - ఏకంగా వెయ్యి కోట్లు అని రాసెయ్యొచ్చుగా!!! ఏం పోయేది? " అని. ఈ విషయం లో నేను కొంత వివరించ వలసి వుంది. మిత్రులు అన్నట్టు 1000 కోట్లు ఏమి ఖర్మ ఒక్కసారి రాజశేఖర రెడ్డి ని తలుచు కొని 10000 కోట్లు వ్రాసి పడేద్దును... . ఇక్కడ నా బాష తప్పు ఒకటి జరిగింది నేను చెప్పిన ౩౦౦ కోట్లు ఈనాడు నుండి తెసుకొన్నాను , ఐతే ఎన్నికల వేళలో రెట్టింపు అమ్మకాలు జరిగినట్టు వ్రాసివుంది. అంటే 150 కోట్ల రూపాయల మద్యం ఎక్కువగా అమ్ముడు పాయిందన్నమాట, పోనీ దానిలో సగం తీసుకొన్న 75 కోట్ల మద్యం అమ్ముడు పాయిందనుకొన్న ఒక్కో నియోజకవర్గానికి 5 కోట్ల రూపాయలకు ఫైగా మద్యం ప్రవహించిందని అర్ధం అవుతుంది. ఇదేమి చిన్న విషయం కాదు . మిత్రుడు అర్ధం చేసుకోవలసిన విషయం ఏమిటంటే ఈ కారణంగా ఎన్నికైనా వారిని తక్కువ చేసి మాట్లాడడం లేదు కాని నెగ్గిన వారితో సహా అందరు సారా , డబ్బు పంచినావారేనని నిర్భయం గ చెబుతున్న్నానని మాత్రమే. ఇది ప్రస్తుత దేశ దౌర్భాగ్యం .. ఇంతకంటే నేను మరేమీ చెప్పలేను.

చివరగా ఒక మాట .. గెలీలియో సూర్యుని చుట్టూ భూమి తిరుగు తున్నాడని చెప్పినప్పుడు ఆ విషయం నమ్మినవాడు గేలిలియో ఒక్కడే . అప్పుడు వోటింగ్ పెడితే గెలిలియౌ కి ఒక్క వోట్ వచ్చేది (అదీ తనదే ). కాబట్టి బ్లాగ్ పోలింగ్ పెట్టినప్పుడు వచ్చిన ఫలితాలకు విపరీత అర్ధాలు తీయకుండా కామెంట్స్ వ్రాస్తే బాగుంటుందని నా అభిప్రాయం. ఏది ఏమినా తెలంగాణా విషయం లో మిగిలిన అన్ని విషయాలకంటే మిత్రులు బాగా స్పందిస్తున్నారని అర్ధం అవుతుంది.. ఇక మీద తెలంగాణా మీద మరి కొన్ని విషయాలు చర్చకు వస్తాయి... వెయిట్ అండ్ సీ.........

పోల్ రిజల్ట్ - బై ఎలక్షన్లో టి ఆర్ ఎస్ అన్ని స్థానాలు గెలుస్తుందా ?

2010-08-02T05:14:00.000-07:00

పోల్ లో పాల్గొన్న వారికి అభినందనలు. 35 మంది వోట్ చేసిన వారిలో 74 % (29 మంది ) అన్ని స్థానాలు గెలుచుకోలేదని అభిప్రాయపడగా 26 % (9 మంది ) అన్ని స్థానాలు గెలుచుకొంటుందని సరిగా ఊహించారు. ఐతే ఈ ప్రహసనంలో ౩౦౦ కోట్ల రూపాయల మందు (సారా, లిక్కరు , గుడుంబా ....) ప్రవహించిందని ఒక అంచనా !!!!

ఆ అనిల్ .. మా అనిల్ కాదు....

2010-07-27T23:17:00.000-07:00

బ్రదర్ అనిల్ కుమార్ మీద ఈ మధ్య ఈనాడు, ఆంధ్రజ్యోతి తో పాటు సాక్షి తప్ప ఇంచుమించు అన్ని తెలుగు పేపర్స్ లో వార్తలు గుప్పు మన్నాక, సాక్షి పేపర్ డామేజి కంట్రోల్ మొదలు పెట్టింది. ఐతే అన్ని పత్రికలూ ఆరోపించినా, సాక్షి మాత్రం ఈనాడునే ఎందుకు టార్గెట్ చేస్తుందో?. బయ్యారం మునిగింది అంటూ ఈనాడు లో వచ్చిన వార్తకు ప్రతి గా సాక్షి లో ఆ అనిల్ మా అనిల్ కాదు అంటూ పోటో తో సహా తండ్రి పేరు పేర్కొంటూ సాక్షి పెద్ద కదన్నాన్ని ప్రచురించింది. మొత్తం మీద ప్రజల మెదల్లను ఏమి అర్ధం కాని పరిస్థితి లోకి నెట్టడం వాళ్ళకు ఒక మార్గం గా కనిపిస్తుంది. కాని జగన్, అనిల్ ప్రమేయం లేకుండా అంత పెద్ద కుంభకోణం జరిగిందంటే బుర్ర వున్నవాడు ఎవడు నమ్మడు. వాళ్ళ పేర్లు బయటకు రాకుండా వ్యవహారం నడపడం రాజకీయ నాయకులు మాములే.....

అధర్మం గా ధర్మాన....

2010-07-27T22:58:00.000-07:00

నిన్న కాక మొన్న సోంపేట లో మా పొట్ట కొట్టకండి, మా గాలి, నీరు, భూమి కలుషితం చేయకండి అని ఎలుగెత్తిన ప్రజల మీద కాల్పులు జరిపి ఇద్దరి ప్రాణాలు బలిగొన్న సంఘటన ఇంకా మరవక ముందే. మంత్రి పదవి వెలగబెడుతూ బాధ్యతాయుతమైన స్థానంలో వున్న ధర్మాన మళ్లి పాత పాటే అందుకొన్నాడు. ఎవరు ఏమనుకొన్న , ఎందరు అడ్డు వచ్చినా పవర్ ప్లాంట్ పెట్టి తీరుతామని సెలవిచ్చారు. ఒక పక్క అనుమతులు నేరకరించినా, ప్రజల వ్యతిరేకం గా ఉన్నప్పటికీ ఈయన గారు ఇంత మొండి పట్టుదలకు ఎందుకు పోతున్నారో అర్ధం కావడం లేదు, బహుసా ఈయన సంచి బాగా బరువెక్కువఐ ఉండవచ్చు. పైగా ఈ మంత్రి గారు మాట్లాడుతూ నా జిల్లాకు ఏమి కావాలో నాకు తెలుసునని సెలవిచ్చారు. ఐతే ఈయనకు దమ్ము వుంటే ఆ ప్రాంత ప్రజల మధ్య ఒంటరిగా పర్యటించాలి. ఇటువంటి మంత్రి ఆ జిల్లాకు వుండడం ఆ జిల్లా వాసుల ఖర్మ అనుకోవాలి.

జగన్ కొత్త పార్టీ పెడతాడా - పోల్ రిసల్ట్

2010-07-24T10:31:00.000-07:00

పోల్లో పాల్గొన్న వారికి నా అభినందనలు. ఈ పోల్ లో 29 మంది పాల్గొనగా 76 % (22 మంది ) జగన్ కొత్త పార్టీ పెడతాడని అభిప్రాయపడగా, 24 % (7 గురు) పార్టీ పెట్టాడని అభిప్రాయ పడ్డారు.

చేగువేరా... విప్లవ కెరటం... ప్రపంచ మొదటి మానవుడు

2010-07-24T10:25:00.000-07:00

చాలా నిర్లక్ష్యంగా చురుగ్గా వుండే చేగువేరా ఫోటో ని చాలా మంది చూసే వుంటారు. చేగువేరా ఫోటో వున్న టి షర్ట్ చాలా ఫేషనబుల్ గా ధరిస్తూ వుంటారు కాని చేగువేరా గురించి వాళ్ళలో చాలామంది కి తెలెయదు. మీకు చే గురించి తెలుసా ? అర్జంటీనా లో పుట్టి, డాక్టర్ చదువు చదివి క్యూబా విముక్తి పోరాటం లో ఫిదేల్ క్యాస్ట్రో తో పని చేసి, క్యూబా లో మంత్రి గా పని చేసి ఐక్యరాజ్య సమితి లో ప్రసంగించిన చేగువేరా తను నమ్మిన సిద్దాంతానికి, విప్లవ ఉద్యమాలకు ప్రాణం పోసిన మహా వీరుడు. పదవులు తృణ ప్రాయంగా వదిలి పెట్టి బొలివియా విముక్తి పోరాటం చేస్తూ అమెరికా సి ఐ ఎ చేతిలో హత్య కాబడ్డ చేగువేరా ప్రపంచ మొదటి మానవుడని నేను అంటాను. చేగువేరా గురించి మీరు తెలుసుకోవాలనుకొంటే తెలుగు లో 'కాత్యాయిని' వ్రాసిన 'ప్రవహించే ఉత్తేజం చేగువేరా' పుస్తకం చదవండి (అన్ని విశాలాంధ్ర బుక్ హౌస్ లలో లభిస్తుంది), నిస్వార్ధం గా ప్రజలకు జీవితం అంకితం చేసుకోవడం అంటే ఏమిటో చేగువేరా జీవిత చరిత్ర చదివేతే తెలుస్తుంది, ఎందుకు ప్రపంచ మొదటి మానవుడు అన్నానో మీకు అర్ధం అవుతుంది.

ఆట మొదలు అయింది.... బయ్యారం మునిగింది...

2010-07-24T09:58:00.000-07:00

కాంగ్రెస్ పావులు కదపడం మొదలయింది. అంబటి తో మొదటి ఎత్తు వేసిన కాంగ్రెస్ హై కమాండ్ ఇక పట్టు బిగించనుంది. బయ్యారం గనులు లీస్ రద్దు చేయడం ద్వారా జగన్ వర్గానికి మరో షాక్ ఇచ్చింది. మొన్నటి వరకు పొమ్మనే దాకా పొగ పెడదామనుకొన్న జగన్ ని ఇప్పుడు అధిష్టానం పోయేవరకు పొగ పెట్టె కార్యక్రమం మొదలు పెట్టింది. మొదటి ఎత్తులో అంబటి తో అంబలి త్రాగించి ఇప్పుడు అనిల్ కి నీళ్ళు త్రాగించడం తో జగన్ వర్గానికి పుండు మీద కారం చల్లినట్టు వుంది. జగన్ బయటుకు వెల్లుతూ కాంగ్రెస్ హై కమాండ్ ని దోషి గా నిలబెట్టి ప్రజల సానుభూతి పొందుదామనుకొంటే, కాంగ్రెస్ హై కమాండ్ పార్టీ కి నష్టం లేకుండా జగన్ ని బయటకు పంపే కార్యక్రమం మొదలు పెట్టింది... చూద్దాం.. ఎవరి ఎత్తు ఏమిటో చివరికి ఎవరు చిత్తు అవుతారో....కానీ ఈ ఆటలో మనం తెలుసుకోవలసిన నీతి ఏమిటంటే (మహా) నేతలు రాజకీయ పార్టీలకు అనుకూలంగా ఉన్నంత వరుకు ఎంత దోచుకున్న పర్వాలేదు తేడా వస్తేనే.....

వేడి తగ్గిన జగన్ ఓదార్పు యాత్ర....

2010-07-22T22:44:00.000-07:00

అంబటి రాంబాబు కి కాంగ్రెస్ హై కమాండ్ అంబలి త్రాగించాక... జగన్ వర్గం చాలా వరకు డీలా పడిందనేది పరిశీలకుల అంచనా. తూర్పు గోదావరి జిల్లాలో ఉత్సాహంగా పర్యటన మొదలు పెట్టిన జగన్ కు ఆ జిల్లా మంత్రి పిల్లి సుభాష్ చంద్ర బోస్ తో పాటు శాసన సభ్యులు తోడ్పాటు లభించడంతో మరింత గా దూసుకు వెళ్ళుతున్న సమయంలో అంబటి మీద వేటు పెడిన తరువాత సంకేతాన్ని గ్రహించిన శాసన సభ్యులు, మంత్రి గారు ప్రక్కకు తప్పుకొన్నారు. మరో వైపు నుండి బబ్లి వివాదం, తెలంగాణాలో ఎన్నికల వలన జగన్ యాత్ర ఫై ప్రజల దృష్టి కుడా తగ్గింది. ముఖ్యంగా అంబటి మీద చర్యతో ప్రస్తుతం జగన్ వర్గం ఆత్మరక్షణలో పడింది.

వెల్డన్ బాబు... మీరు సాధించారు

2010-07-20T22:42:00.000-07:00

అనేక మలుపులు తిరిగిన బాబ్లి వ్యవహారం చివరికి అర్దరాత్రి బలవంతంగా ఆకాశ మార్గంలో తెలుగుదేశం బృందాన్ని బలవంతంగా తిరిగి ఆంధ్రప్రదేశ్ కు పంపడంతో ఒక అంకం ముగిసింది. ఐతే బాబ్లి పోరాటంలో ఇది అంతం కాదు ఆరంభం మాత్రమే. ప్రజల చేత ఎన్నుకోబడ్డ నాయకులను దొంగలును కొట్టినట్టు కొట్టి పరాభావించడం చాలా దారుణమైన విషయం. తెలుగు ప్రజల మనోభావాలు ఈచర్య వలన బాగా దెబ్బ తిన్నాయి. మూడు పూటలా తిని ఇంటిపట్టున ఉండి ప్రకటనలు ఇచ్చే నాయకులు దీనిని రాజకీయ లబ్ది అంటూ మాటాడడం సరికాదు. ఇదే ఆంధ్రప్రదేశ్ ప్రయోజనాలకు సంబందించిన సమస్య, దెబ్బతిన్న తెలుగు ప్రజల మనోభావాలకు సంబంధించిన విషయం. పార్టీలకు అతీతంగా అన్ని పార్టీలు స్పందించవలసి ఉంది. ప్రజలకోసం, రాష్ట్ర ప్రయోజనాలకోసం పోరాటాలు సాగించే పార్టీలకు ప్రజల మద్దతు ఎప్పుడు వుంటుంది. రాజకీయ లబ్ది అనేది ఈ పోరాటాలలో అంతర్భాగమే, అందులో తప్పు ఏమిటి ?
ఈ విషయం లో కొన్ని చానల్స్ ప్రసారాలు చాలా దారుణంగా వున్నై. ఏది ఏమైనా బాబ్లి ని జాతీయ స్థాయిలో చర్చలో నిలపడం ద్వారా చంద్ర బాబు విజయం సాధించారు. మహారాష్ట్ర సాగించిన దారునమిన ఆకృత్యాలను ఖండిస్తున్నాను. బాబు పరివారానికి నా శుభాకాంక్షలు, వారందరూ త్వరగా కోలుకోవాలని తెలుగు ప్రజలందరి తరుపునా నా ప్రార్ధన.

లోక్ సత్తా వర్కింగ్ ప్రెసిడెంట్ గా డి వి వి ఎస్ వర్మ

2010-07-20T05:31:00.000-07:00

కొత్త రాజకీయం నినాదం తో రాజకీయ పార్టీ గా ఆవిర్భవించిన లోక్ సత్తా రాజకీయాలలో పేరుకుపోఇన చెడు సంప్రదాయాలను మార్చడానికి జయప్రకాశ్ నారాయణ గారి అధ్వర్యంలో ఒక్కో అడుగు ముందుకు వేస్తూ పార్టీ ని నిర్మించుకొంటూ ముందుకు పోతుంది. ఎన్నికలలో అభ్యర్దులు డబ్బు, మద్యం పంచడానికి వ్యతిరేకంగా లోక్ సత్తా వుధ్యమిస్తున్నది. ఎన్నికలలో ప్రలోభాలకు గురిచేయకుదని అందుకు అన్ని పార్టీ లో ముందుకు రావాలని జె పి గారు ఎన్నోసార్లు విజ్ఞప్తి చేసినా, ప్రధాన పార్టీల స్పందన శూన్యం.లోక్ సత్తా చదువుకొన్న వారి పార్టీ అని, పట్టాన ప్రాంతాలకే పరిమితమిన పార్టీ అని కొన్ని విమర్శలు వున్నా, పల్లెతూరులలో కుడా తన శాఖలను విస్తరించుకొంటు పార్టీ ముందుకు పోతుంది.
ఈనెల రెండవ తారీకున లోక్ సత్తా వర్కింగ్ ప్రెసిడెంట్ గా డి వి వి ఎస్ వర్మ గారిని జె పి గారు నియమించారు. వర్మ గారు చాలా కాలం నుండి లోక్ సత్తాలో పని చేస్తున్నారు. అంతకు ముందు ఆయన దశాబ్దాల పాటు కమూనిస్ట్ పార్టీ (సిపిఐ) లో పచ్చిమ గోదావరి జిల్లా లో పని చేసారు. ఆయనను గతం లో కొన్ని సార్లు కలిసి వున్నాను. నాకు తెలిసి మంచి విషయ పరిజ్ఞానం వున్నా నాయకులలో ఆయన ఒకరు. ఈ సందర్బం గా ఆయనకు నా సుభాకాంక్షలు తెలెయ చేస్తున్నాను.

ఈ వంశాల గోడవేందో....

2010-07-19T11:49:00.000-07:00

రాజులూ పోయారు, రాజ్యాలు పోయి చాలా దశాబ్దాలు దాటింది, వాటితో పాటే వంశాలు, బేషజాలు కనుమరుగు అయ్యి చాలాకాలం ఐంది. ఐతే ఈ మధ్య కొంతమంది సినిమా అక్టర్లు & పార్ట్ టైం రాజకీయ నాయకులుగా వున్న వ్యక్తులు మీము పలానా వంశం వాళ్ళమని, మాకు మాత్రమే కొన్ని ప్రత్యేక లక్షణాలు / అధికారాలు వున్నట్టు మాట్లాడుతున్నారు. ప్రస్తుతం మనం ఇరవయ్యో శతాబ్దంలో బ్రతుకుతున్నామని, మనుషులను వాళ్ళ గుణగనాలు ఆదారంగానే ప్రజలు గుర్తిస్తారని సదరు వ్యక్తులు గుర్తించి మసలుకోడం మంచిది.

చెప్పుకోండి చూద్దాం.....మీ జిల్లా పేరు ఏంటో...

2010-07-18T18:35:00.000-07:00

ఎప్పుడో 'రంగా రెడ్డి' , 'ప్రకాశం' జిల్లాల తరువాత మళ్లీ రాజకీయ నాయకుల పేర్లను జిల్లాలకు పెట్టడం కనిపించలేదు. నెల్లూరు జిల్లాని మాత్రం 'పొట్టి శ్రీరాములు నెల్లూరు' గా మార్చారు (ఈ విష్యం ఇప్పటికి చాలా మందికి తెలెయదు !!). ఇప్పుడు మళ్లీ 'వై ఎస్ ఆర్ జిల్లా' గా కడప పేరు మార్చారు. ఈ సంస్కృతి ఏమిటో అర్ధం కావటం లేదు. ఇక జిల్లాలకు వరుసగా రాజకీయ నాయకుల పేర్లు పెట్టుకుంటూ పోతారేమో. ఒక జిల్లాకి ఒకిరికన్నా ఎక్కువ నాయకులు పోటిపడితే చీటీలు వేసి నిర్ణయం చేస్తారేమో!!!. నా అభిప్రాయం ప్రకారం భవిష్యత్తు లో చిత్తూరు ని చంద్ర బాబు నాయుడు జిల్లా గా , యెప్పటికైనా కృష్ణా జిల్లా ని యన్ టి రామ రావు జిల్లాగా మారుస్తారని నా అభిప్రాయం. మరి మీ జిల్లా పేరు ఎలా మార వచ్చు ? మిగిలిన జిల్లాలకు మీ పేర్లు కామెంట్స్ లో చెప్పండి (అక్టోపాస్ పాల్ గాడు చెప్పగా లేంది, మనం భవిషత్తు గురించి చెప్పలేమా!!!)

హలో... బ్రదరూ... అనిలూ

2010-07-17T23:14:00.000-07:00

అత్త సొమ్ము అల్లుడు దానమిచ్చాడని తెలుగు లో ఒక వ్యావహారికం వుంది, ఇప్పుడు దానిని ప్రజల ఆస్తి అల్లుడికి దానం చేసిన మామ అని మార్చుకోవాలేమో!!. మహా నేత అని ఉదరగొట్ట బడుతున్న వై యస్ ఆర్ జమానాలో జరిగిన అవినీతికి తాజాగా వెలుగులోకి వచ్చిన విష్యం పరాకాష్ట గా చెప్పుకోవచ్చు.
అల్లుడు అనిలు బుద్ధిమంతుడు, దైవచింతన కలవాడు, దేవుని ప్రియ పుత్రుడు గా తలచిన ఏలిన వారు కేవలం 56000 హెక్టారుల ( దాదాపు 140000 ఎకరాలు ) ఇనుప గనులను ఆయన పరం చేసారు. కనీసం ఇంకా ప్రారంభం కాని కంపెనీకి ఇన్ని ఎకరాలు ధారాదత్తం చేయడం మహా నేత కే చెల్లింది. నేను గతంలో పనిచేసిన కంపనీలో నా బాస్ ఒక మాట అంటుండేవారు "వ్యక్తులను మోసం చేయకూడదు కాని వ్యవస్థ ని మోసం చేసుకోవచ్చు". మహా నేత అభిప్రాయం కుడా అదేనని ఈ సంఘటన ద్వార నాకు అని పిస్తుంది. అసలు ఆ ఎకరాల సంఖ్యను వింటుంటేనే గుండె చెదిరి పోతుంది.. దీని ముందు బ్రహ్మణి, గాలి గారి గనులు దిగదుడుపే. పోరాడి సాధించుకున్న విశాఖ స్టీల్ ప్లాంట్ కి ఒక్క ఎకరం కుడా కేటాయించ లేదు గాని అల్లుడు గారికి మాత్రం ముందుచూపుతో కేటాయించేసారు. మన దౌర్భాగ్యం ఏమిటంటే మన ప్రజలు తన దాకా వచ్చేవరకు సమాజం తగాలబదిపోతున్నా పట్టించుకోరు, మన మహా నేత ఈ విష్యం బాగా అర్ధం చేసుకొని చెలరేగి పోయారు, ఆయనను పాపం ప్రితిపక్షాలు దిగ్బ్రాంతి తో చూస్తు ఉండిపోయాయి.
మూర్ఖుడు రాజు కన్నా బలవంతుడు, ఐతే ముర్ఖుడే రాజు ఐతే ? నేనంటాను ఆతను మహా నేత అవుతాడని. మరి మీరేమంటారు? మీ అభిప్రావయాన్ని క్రింద కామెంట్లో తెలియచేయండి

బాబ్లి...బాబ్లి.. ఓ బాబ్లి

2010-07-17T12:05:00.000-07:00

ప్రస్తుతం మీడియా కు చాలా మేత దొరుకుతుంది. ఓ ప్రక్క జగన్ పర్యటనలు, సోంపేట కాల్పులు, టి టి డి గొడవలు, క్రొత్తగా ఇప్పుడు బాబ్లి గొడవ..... మనవాళ్ళు వట్టి వెధవలొఇ అంటాడు గిరీశం ఒక సందర్భంలో (కన్యాశుల్కం నాటకం లో). ఆ మాట మన రాజకీయ నాయకులకు సరిగ్గా సరిపోతుంది. మనవాళ్ళు చేతులు కాలాకా ఆకులు పట్టుకునే రకం. ఎంత అవినీతి వున్నా తమ రాష్ట్ర ప్రయోజనాలను చుట్టూ వున్న రాష్ట్రాలు కాపాడుకొంటుంటే మనవాళ్ళు కనీసం ఆపని కుడా చేయలేక పోతున్నారు.ఇక మనం నష్ట పోఇనా మరో ప్రాంతం (ఇండియా లో ) బాగు పడుతుంది కదా అని సంతోషించాలేమో. కాంగ్రెస్ జాతీయ పార్టీ కాబట్టి మనం కూడా జాతీయ స్థాయిలో ఆలోచించాలేమో!!.
కారణాలు ఏమితేనేమి మన సి బి నాయుడు గారు కదిలారు. పాపం కనీసం 9 సంవత్సరాలు ముఖ్యమంత్రి గా పనిచేసిన వ్యక్తి, నేషనల్ ఫ్రంట్ లో జాతీయ స్థాయిలో చక్రం తిప్పిన వ్యక్తి అని కూడా చూడకుండా వాళ్ళు తీసుకెళ్ళి జైలు లో పెట్టేసారు. సరైన ఫుడ్, బెడ్డు లేకుండా అందరితో కలిపి ఒకచోట పెట్టేసారు. మన బాబు గారు చాలా మొండి వ్యక్తి కనుక బెయిల్ నిరాకరించి జైలుకి వెళ్లారు (వెళతారని వార్త). ఈ సింపతి మీద తెలంగాణాలో ఏమైనా సీట్స్ గెలేస్తే బాబు గారికి అంతే చాలు. ఐతే అలిపిరి బ్లాస్ట్ తరువాత సింపతిని నమ్ముకొని దెబ్బ తిన్న చరిత్ర మరో సారి రిపీట్ ఐతే.....
సరే రాజకీయాలు ఎలా వున్నా ఈ విషయంలో బాబు ని అభినందిన్చవలసిందే, ఎందుకంటే బబ్లి విషయాన్ని ఏదోవిధంగా దేశవ్యాప్తం గా వార్తలలో నిలపగాలిగారు. మరో ముఖ్యమైన విష్యం ఏమిటంటే మహారాష్ట్ర సి యం ఈ విషయంలో సుప్రీం కోర్ట్ ఆదేశాలకు లోబడి ఉంటామని ప్రకటించడం, ఇవి బాబు సాధించిన విజయాలుగానే చెప్పుకోవాలి.

కారంచేడు కి 25 ఏళ్ళు ....

2010-07-17T01:35:00.000-07:00

సరిగ్గా ఇదేరోజు 25 సంవత్సరాల క్రితం 1985 లొ నరమేధం జరిగింది. అప్పుడు నేను 8 వ తరగతి చదువుతున్నాను. చాలా రోజులు అన్దోనలు జరిగాయి, మా స్కూల్ చాలా రోజులు మూసేసారు. అప్పటి వాతావరణంలో అగ్రవర్ణాల వారు, దళితులు రెండు వర్గాలుగా విడిపోయారు. నాకు బాగా గుర్తు, స్కూల్ మూఇంచడానికి దళితులూ స్కూల్ కి వచ్చినప్పడు మీము వ్యతిరేకిన్చాం. అప్పట్లో నాకు ఈసంఘటన గురించి వాస్తవ పరిస్థితి తెలియదు. ఈ సంఘటన వెనుక వున్న దగ్గుబాటి చెంచురామయ్య (దగ్గుబాటి వెంకటేశ్వర రావు తండ్రి) ను తరువాత నక్సల్స్ కాల్చి చంపారు. అప్పటి సంఘటనలో 5 హత్యకు గురి అవ్వగా వందలాది మంది దళితులూ గాయపడ్డారు. ఈ సంఘటన అప్పటి ముఖ్యమంత్రి యన్ టి రామరావు కి ఒక మచ్చ గా మిగిలి పోయింది. ఈ సంఘటన తరువాత 23 సంవత్సరాలు న్యాయ పోరాటం చేస్తిగాని భాదితులకు న్యాయం దక్కలేదు.

25 సంవత్సరాల తరువాత ఇప్పుడు పరిస్థితి ఏమిటి ? ఏమీ మారలేదు అప్పడు అగ్రవర్ణాలు దోచుకుంటే, ఇప్పుడు స్వయంగా ప్రభుత్యాలే పేదలను, నిమ్నవర్గాల వారిని దోచుకు తింటున్నాయి. మొన్నటికి మొన్న సోంపేట లొ జరిగిన లైసెన్సడు కిల్లింగ్స్ దీనికి సాక్ష్యం.

సోంపేట పాపం ఎవరిది ?

2010-07-16T05:54:00.000-07:00

చరిత్రలో మరో దురాక్రమణ పదఘట్టనల క్రింద మరో రెండు పేద బ్రతుకులు రాలిపోయాయి. దేశాన్ని దోచుకుతినే రాజకీయ నాయకులు, అవినీతి అదికారుల సాక్షిగా బక్క ప్రాణుల రక్తం చిందింది. సరైన తిండి, బట్ట, గూడు లేనివాళ్ళకు కనీసం మంచి గాలిని అన్నా వదలాలని ఏవొక్క రాజకీయ నాయకుడు ఆలోచించలేదు. వెలది ఎకరాలు వ్యాపారులకు ధారాబెట్టి, పేద ప్రజల పొట్ట కొట్టి ఈ ప్రభుత్వం ఏమి చేస్తుంది ? ఇద్దరు చనిపోయాకగాని పర్యావరణ అనుమతులు నిరాకరించడం ఏమిటి ? ముందు ఏమైంది ఈ తెలివి?. అధికారులు తప్పుడు నివేదికలు ఇచ్చారంటున్నారు, వాళ్ళ మీద ఏమి చర్యలు తెసుకొంటారు ?. రాష్టంలో విధ్యుత్ అవసరం చాల వుంది, అందుకని వేలాది ప్రజల పేద ప్రజల జీవనోపాధి మీద దెబ్బ కొడతార ? అసలు ఆరు థెర్మల్ విధ్యుత్ కేంద్రాలకు ఒక్క శ్రీకాకుళం లోనే అనుమతి ఇవ్వడం ఏమిటి ? మరింత ఘోరమైన విషయం ఏమిటంటే ఈ కేంద్రాలలో ఉత్పత్తి చేసే కరెంటు మాత్రం మనకు వుండదు. ఏదో కొంచెం మనకు విదిల్చి మిగిలింది వాళ్ళు బయట అమ్ముకోవచ్చు. రాష్ట్ర ప్రభుత్వం అన్ని ప్రాజెక్ట్స్ ను మరోసారి సమీక్ష చేయవలసిన అవసరం వుంది లేదంటే ఇటువంటి సంఘటనలు మళ్ళి మళ్ళి పునరావృతం అవుతాయి. ప్రస్తుత సంఘటనకు కారణమైన వారిని కటినం గా శిక్షించాలి. సోంపేట, పరిసర గ్రామాల ప్రజలకు నా ప్రఘాడ సానుభూతి తెలెయచేస్తున్నాను.

జగన్ ... జగన్... జగనోమియా..

2010-07-16T01:22:00.000-07:00

ఆంధ్రప్రదేశ్ రాజకీయాలు మాంచి వేడి మీద వున్నాయి. సోంపేటలో కాల్పులు వల్ల రెండు రోజుల నుండి కొంచెం ద్రుస్టి కొంచెం అటుమల్లినా చానల్స్, పేపర్స్ జగన్ యాత్ర గురించి విపరీతం గా ప్రచారం చేస్తున్నై. ఇక సాక్షి చానెల్ లో ఐతే జగన్ అడుగు తీసి అడుగు వేస్తే న్యూస్ ఐనట్టు ప్రసారాలు జరుగుతున్నాయి. సాక్షి చానెల్ ఇదివరకు చేసేవాడిని కాని ఇప్పుడు ఆ చానెల్ అంటే రోత పుడుతుంది. ఎంత సొంత చానెల్ ఐతే మాత్రం ఇంత సొంత డబ్బా అవసరమా?
వయసులో చిన్నవాడు ఐనా జగన్ రాజకీయ ఎత్తుగడలు నిజంగా అధ్బుతం. పావురాల గుట్ట వద్ద మీటింగ్లో ఇంటింటికీ వస్తానని అన్నప్పుడే నాకు జగన్ రాజకీయ ఎత్తుగడ బాగా నచ్చింది. ఎంత ముందుచూపుతో ఆ మాట వదిలాడో అప్పుడే పసిగట్టా, ప్రస్తుతం జగన్ చేస్తున్న పని రాష్ట్ర వ్యాప్తంగా కొన్ని విత్తనాలను చల్లడం (అంటే తనను గుడ్డిగా నమ్మేవాళ్ళను తాయారు చేసుకోడం) అది కూడా అధిక సంఖ్యలో వుండే పేదవారిని టార్గెట్ గా చేసుకోడం, వాళ్ళలో బాగా కృతజ్ఞతా భావం కల్పించడం, వాళ్ళు మర్చిపోకుండా ఉండడానికి రాజశేఖర రెడ్డి విగ్రహాలు వురూర నెలకొల్పడం ఇవన్ని చాల పక్కగా వేసుకొన్న ప్రణాళిక. నా ఉద్దేశ్యం ప్రకారం జగన్ క్రొత్త రాజకీయ పార్టీ నిర్ణయం ఎప్పుడో ఇపాయింది. అది కాంగ్రెస్-ఆర్ కావచ్చు లేదా కాంగ్రెస్-వై ఎస్ ఆర్ కావచు లేదా 'రాజశేఖర్ రెడ్డి' కావచ్చు.

చూద్దాం ఏమి అవుతుందో.... జగన్ రాజకీయ దృష్టికి మాత్రం నా జోహార్లు

ముందుగా మన వార్త పత్రికలూ , న్యూస్ చానల్స్ ...

2010-07-16T01:02:00.001-07:00

చాల విచారకరమిన విషయం ఏమిటంటే ఫోర్త్ ఎస్టేట్ గా భావించబడే మీడియా ఈ రోజు కొన్ని వర్గాలకు కొమ్ము కాసేవిగా తయారవ్వడం. తమిళనాడు తెసుకొంటే జయ చానెల్ , సన్ చానల్స్ ఆంధ్రప్రదేశ్ లో సాక్షి ఛానల్,న్యూస్ పేపర్స్ వారి వారి ప్రయోజనాలకు అనుగుణంగా వార్తలు ప్రచారం చేసుకోడానికి ప్రారంభం అయ్యాయి. ఈనాడు పేపర్ కొన్ని సంవత్సరాలుగా తెలుగుదేశం కు మద్దతు లోపాయకారిగా మద్దతు ప్రకటిస్తుంది. ఈ పేపర్స్ చదివి, చానల్స్ చూసి మధ్యలో పూల్స్ అయ్యేది మనం. ప్రజలకు నిజాలు తెలేయచేయవలసిన మీడియా ఈవిధంగా రాజకీయ పార్టీలకు , వ్యాపారవేత్తలకు తొత్తులుగా మారడం వల్ల సమాజం ఎంతగానో నష్టపోతుంది. నిజం , న్యాయం అనే మాటలకు ప్రస్తుతం మీడియా ఉప్పు పాతర వేసింది. బయటకు కనిపించని ఒక మహా యుద్ధం మీడియాలో ప్రస్తుతం జరుగుతుంది అది ప్రజల మెదళ్లని వారి వశం చేసుకోడానికి సర్వశక్తులు వడ్డుతున్నారు.
ఈ దుర్గతి నుండి మీడియా ఎప్పటికైనా బయటపడుతుందా?

ఈ బ్లాగు గురించి కొంచెం ......

2010-07-16T00:44:00.000-07:00

నేను ఈ బ్లాగుని మొదలు పెట్టాలని ఎప్పటినుండో అనుకొని, రిజర్వు చేసుకొని ఒక సంవత్సరం ఐంది. కానీ అనేక కారణాల వల్ల ఇప్పటి వరకు ఒక్క పోస్ట్ కుడా ఉంచలేక పోయాను. ఐతే ఈమధ్య జరుగుతున్న రాజకీయ మార్పులు చూసిన తరువాత నా అభిప్రాయాలను మీతో పంచుకోకుండా వుందా లేక పోతున్నాను.

ఈ బ్లాగు విసిట్ చేసేవారికి నా గౌరవ విన్నపం ఏమిటంటే, దయచేసి నీను ఒక పార్టికి చెందిన వాడిగా భావించవద్దు. ఈ అభిప్రాయాలూ పూర్తిగా నా వ్యక్తిగతమినవి, మీరు ఆమోదించవచ్చు లేదా వ్యతిరేకించ వచ్చు కానీ నేను ప్రస్తుతం జరుగుతున్న పరిణామాలను దృష్టిలో పెట్టుకొని వార్తా పత్రికలో వచ్చిన కధనాల ఆధారంగా నా అభిప్రాయాలను తెలేయపరుస్తాను.